“Dim cysylltiadau” rhwng Prifysgol Aberystwyth a Huawei

Diweddarwyd am  

Llun: Prifysgol Aberystwyth

Mae Prifysgol Aberystwyth wedi cadarnhau nad ydyn nhw erioed wedi bod mewn partneriaeth â chwmni technolegol dadleuol o Tsieina.

Daw hyn wedi i Brifysgol Caerdydd ddatgelu eu bod yn “cydweithio” â Huawei, ond eu bod hefyd yn “cadw llygad” ar y cwmni technoleg.

Mae cwestiynau wedi codi am berthynas y cwmni â sawl coleg yn y Deyrnas Unedig.

Ac ym mis Ionawr cyhoeddodd Prifysgol Rhydychen y byddan nhw’n gwrthod derbyn rhagor o arian wrth y cwmni technoleg oherwydd “pryderon cyhoeddus”.

Mae yna ofidion bod y cwmni technoleg a Llywodraeth Tsieina yn glos, ac mae sawl gwlad wedi honni y gallai eu hoffer cael eu defnyddio ar gyfer ysbïo.

Yn dilyn cais rhyddid gwybodaeth gan golwg360, mae Aberystwyth wedi datgelu rhagor am eu cysylltiad â’r cwmni.

Cyflenwad pŵer

Ers 2016 mae Prifysgol Aberystwyth wedi bod yn defnyddio system ‘cyflenwad pŵer na ellir ei darfu’ (uninterruptible power supply, neu UPS) gan y cwmni o’r enw Huawei UPS 5000A.

Mae’r UPS yn cael ei ddefnyddio er mwyn cadw’r cyflenwad pŵer yn y brifysgol yn fyw pan mae’r prif gyflenwad pŵer yn methu.

Yn 2015, penderfynodd y brifysgol newid ei hen UPS gan ei fod yn anodd ei gynnal.

Thamesgate Group Limited, oedd yn cyflenwi’r UPS newydd yn wreiddiol – nid Huawei – ond bellach mae’r cytundeb â’r cwmni electroneg Seisnig wedi dod i ben.

Dim “cysylltiadau”

Dyw Prifysgol Aberystwyth erioed wedi derbyn arian gan Huawei, a dydyn nhw erioed wedi bod mewn partneriaeth gyda’i gilydd.

“Roedd cyhoeddiad Rhydychen yn ymwneud â derbyn rhoddion dyngarol ac ariannu cytundebau ymchwil newydd gyda Huawei,” meddai llefarydd ar ran Prifysgol Aberystwyth.

“Nid yw Prifysgol Aberystwyth wedi gwneud cyhoeddiad tebyg am nad yw cysylltiadau o’r fath yn bodoli.”

Addysg

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl