Shane Williams a’r ddau gi bach ar risiau’r Cynulliad

Diweddarwyd  

Paul Davies (AC), Shane Williams a Jim Monteith o’r Dogs Trust

Llun: golwg360

Mae’r cyn-asgellwr rhyngwladol, Shane Williams, wedi rhoi ei gefnogaeth i ganolfan ar gyfer cŵn strae sydd ar fin cael ei hadeiladu yng nghanol y brifddinas.

Ddydd Mawrth (Mawrth 13), fe gafodd cyn-seren Cymru ei weld y tu allan i’r Cynulliad ym Mae Caerdydd yn cyfarfod â dau gi sydd wedi eu hachub.

Yn ymuno ag ef oedd rhai Aelodau Cynulliad, ynghyd â phrif weithredwr dros dro yr elusen Dogs Trust, Jim Monteith.

Bydd y ganolfan newydd, sy’n bwriadu bod yn gartref i tua 1,000 o gŵn, yn cael ei hadeiladu yn ardal Sblot, ac mae disgwyl iddi gynnwys cyfleusterau modern fel lloriau wedi eu gwresogi, neuadd hyfforddi ac ystafell hydrotherapi.

Yn ôl Dogs Trust, bydd y ganolfan yn creu 50 o swyddi newydd, gan gynnwys rheolwyr, gofalwyr, hyfforddwyr a gweithwyr cynnal a chadw.

“Cafodd dros 5,000 o gŵn strae eu casglu gan yr awdurdodau lleol yng Nghymru y llynedd yn unig, felly mae yna angen am ein canolfan newydd ac fe fydd yn cyd-fynd â gwaith y ganolfan sydd eisoes gan yr elusen ym Mhen-y-bont ar Ogwr,” meddai Jim Monteith.

“Y gobaith yw y bydd modd ailgartrefu 1,000 o gŵn y flwyddyn yn y ganolfan yng Nghaerdydd, ac rydyn ni’n edrych ymlaen at fedru rhoi dyfodol mwy disglair i gŵn yr ardal.”

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl