Siop losin draddodiadol yn Aberystwyth yn cau ddiwedd y mis

Diweddarwyd  

Llun: CC0

Mae perchnogion siop losin draddodiadol yn Aberystwyth wedi cyhoeddi eu bod nhw am ddod â’r busnes i ben ddiwedd y mis.

Mae Isaac’s Traditional Sweet Shop, sy’n gwerthu amrywiaeth o fferins traddodiadol, wedi bod â phresenoldeb ar Heol y Wîg yn y dref ers naw mlynedd.

Ond mewn neges ar y cyfryngau cymdeithasol, dywed y perchnogion eu bod nhw’n bwriadu cau’r drysau am y tro olaf, gan nad yw masnach “yr un fath bellach”.

“A thristwch mawr rydyn ni’n cyhoeddi y bydd Isaac’s Traditional Sweet Shop Aberystwyth yn cau ar ddiwedd y mis,” meddai’r perchnogion ar Facebook.

“Rydyn ni wedi cael naw mlynedd arbennig o fod yn rhan o’r gymuned, a hoffwn ddiolch i’n holl gwsmeriaid am flynyddoedd o ffyddlondeb.

“A chymaint o siopau gwag ar Stryd y Pier, dydy masnach ddim yr un fath bellach, gan ei gwneud hi’n anodd i barhau.

“Rydyn ni’n gobeithio ein bod ni’n eich gadael gydag atgofion da, naill ai o ymweld â’r siop neu ymuno â ni ar ein Helfeydd Pasg.”

Arian a Busnes

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones