Casglu dros £5,000 ar daith er cof am bêl-droediwr o Geredigion

Diweddarwyd am  
David 'Dias' Williams, y pêl-droediwr o Geredigion a sgoriodd 11 gôl mewn un gêm

David ‘Dias’ Williams, y pêl-droediwr o Geredigion a sgoriodd 11 gôl mewn un gêm

Llun y teulu

Mae taith gerdded a gafodd ei threfnu er mwyn dathlu bywyd un o sgorwyr goliau enwocaf y canolbarth wedi codi dros £5,000 ar gyfer elusen Macmillan.

Bu farw David ‘Dias’ Williams o ganser yn 1988, ac yntau ond yn 39 oed. Roedd yn brifathro Ysgol Llanfihangel y Creuddyn, ger Aberystwyth, ar y pryd.

Mae’r gŵr a fyddai wedi dathlu ei ben-blwydd yn 70 oed eleni yn cael ei gofio am sgorio 11 gôl mewn un gêm rhwng clybiau Aberystwyth a Llandrindod. Ar droad y ganrif, cafodd eisteddle er cof amdano ei hagor yng Nghoedlan y Parc, Aberystwyth.

Dros y penwythnos, bu gweddw David Williams, Margery, a’u meibion, Owain a Sion, yn arwain taith o fwy na 70 milltir ar draws y canolbarth.

Roedd lleoliadau’r daith yn cynnwys y clybiau pêl-droed y bu David Williams yn gysylltiedig â nhw yn ystod ei oes, sef Pontrhydfendigaid, Aberystwyth, Llanidloes, Penrhyn-coch, Llanddewi Brefi a Trawscoed.

Anhygoel

Cadeirydd Dias70 a chyfaill bore oes i David Williams yw’r newyddiadurwr o Bontrhydfendigaid, John Meredith, sy’n dweud bod yr ymateb a gafwyd yn ystod pedwar diwrnod y daith wedi bod yn “anhygoel”.

Y darged wreiddiol ar gyfer y gronfa oedd £3,000, meddai, ond ychwanega fod y cyfanswm wedi croesi £5,000 erbyn hyn, gyda disgwyl i ragor o arian gael ei gyfrannu yn ystod yr wythnosau nesaf.

“Roedd hi’n daith lwyddiannus dros ben,” meddai John Meredith wrth golwg360.

“Rydyn ni’n ddiolchgar iawn i’r holl gymunedau a’r clybiau, sydd wedi bod yn gysylltiedig â’r holl beth, am droi allan i gefnogi, a hynny o’r daith ddydd Gwener trwyddo i’r daith olaf ddydd Llun.

“Mae pawb wedi cefnogi yn arbennig, i ddweud y gwir.”

Clonc360

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl