Trafod dyfodol canolfan gymunedol Bodffordd

Diweddarwyd am  

Daeth tua 50 o bobl i gyfarfod cyhoeddus ym Modffordd, Ynys Môn, nos Wener i drafod dyfodol eu canolfan gymunedol.

Mae’r ganolfan yn rhannu safle ag ysgol y pentref, fydd yn cau wrth i Gyngor Ynys Môn ad-drefnu ysgolion cynradd yr ardal.

Y cyngor sir sydd berchen yr adeilad yn gyfreithiol, ond fe gododd y gymuned filoedd o bunnau i sefydlu’r ganolfan yn y 1980au.

Mae nifer o gymdeithasau a mudiadau tebyg i’r Cylch Meithrin lleol yn defnyddio’r adeilad yn rheolaidd.

Er yn cydnabod nad oes gan y gymuned berchnogaeth ffurfiol o’r adeilad, pwysleisiodd nifer yn y cyfarfod fod pobl leol wedi llafurio am flynyddoedd i’w chodi.

Clywodd y cyfarfod y gallai prynu’r adeilad gostio hyd at £400,000 gan fod costau i’w drwsio, a byddai angen sicrhau lle i barcio hefyd.

Dydy Cyngor Ynys Môn heb bennu pris eto ac maen nhw’n gofyn i’r rheiny allai brynu’r safle i yrru datganiad o ddiddordeb erbyn Mawrth 15.

Dywedodd deilydd portffolio eiddo’r sir, y Cynghorydd Bob Parry, bod yr awdurdod yn barod i roi cymorth i’r gymuned os ydyn nhw am geisio prynu’r safle.

Penderfynodd y pentrefwyr yn y cyfarfod sefydlu pwyllgor i weld oes modd cael y ganolfan am ddim gan y cyngor sir, ynghyd â’r posibilrwydd o brynu gweddill y safle.

Cefn Gwlad

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl