Goleuo adeiladau Chicago i ddathlu Dydd Gŵyl Dewi

Diweddarwyd am  

Bydd un o ddinasoedd yr Unol Daleithiau yn dathlu Dydd Gŵyl Dewi heno trwy oleuo rhai o’i hadeiladau eiconig yn goch.

Cymdeithas Gymreig o’r enw ‘Tafia Chicago’ sydd wedi trefnu’r goleuadau, ac mae’n debyg eu bod wedi bod yn gwneud hynny ers 2009.

Cadeirydd y grŵp yw Dave Parry, 43 – sy’n hanu o Aberystwyth – ac mae’n cynnig blas o’u cynlluniau â brwdfrydedd.

“Rydym wedi bod yn dathlu Dydd Gŵyl Dewi am dros ugain blynedd yma,” meddai wrth golwg360.

“A’r flwyddyn hon byddwn yn cynnal digwyddiad mewn lle o’r enw’r Cambrian Hotel. Cyd-ddigwyddiad yw’r enw!

“Hefyd rydym wedi sicrhau bod sawl adeilad yn Chicago yn cael eu goleuo [yn goch] yn ystod y nos. Bydd tua wyth adeilad yn goleuo i fyny ar gyfer y noson, gan gynnwys Adeilad Wrigley.”

Y grŵp

Mae Dave Parry yn egluro bod 300 o bobol o gefndiroedd Cymreig yn byw yn ardal Chicago, ac mae’n egluro sut ddaeth y ‘Tafia’ i fodolaeth.

“Roeddwn i’n gweld bod cymdeithasau i’r Gwyddelod a’r Albanwyr ond doedd dim un i Gymru,” meddai wrth golwg360.

“Ac roeddwn i’n parhau i ddod ar draws pobol Cymraeg mewn tafarndai ac yn y blaen, felly wnaethom ni benderfynu bwrw ati a sefydlu’r grŵp yn 1999.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl