“Profiad bythgofiadwy” Cymro yn Melbourne ar Ddydd Gŵyl Dewi

Diweddarwyd am  
Cefndir glas, chwe seren wen, a jac yr undeb yn y gornel chwith uchaf

Baner Awstralia

Yn Eglwys Gymreig Melbourne y bu un Cymro yn dathlu Dydd Gŵyl Dewi – ac mae’n rhywbeth a fydd yn aros yn y cof am byth, meddai.

Mae Rhodri Dafydd, 23 oed o’r Felinheli, yn gweithio yn Awstralia ers mis Hydref y llynedd, ac wedi ei syfrdanu gyda rhai straeon Cymry Awstralia.

“Roedd o’n brofiad bythgofiadwy heddiw yn Eglwys Gymreig Melbourne,” meddai. “Dw i wedi cyfarfod pobol sydd wedi symud yma o bob rhan o Gymru, maen nhw’n dathlu Dydd Gŵyl Dewi bob blwyddyn.

“Un o Landudno, digwydd bod, oedd y gweinidog oedd yn siarad…”

Hanesion Cymry pell

Mae Rhodri Dafydd wedi bod yn clywed rhai o straeon y Cymry hyn sydd wedi ymgartrefu yn Awstralia, tra’i fod ef ei hun yn gweithio mewn bwyty Japaneaidd er mwyn talu ei ffordd yn teithio’r wlad.

“Mae yna un yma ddaeth drosodd ar gwch 61 mlynedd yn ôl… roedd yna un wedi dod heddiw o Wellington yn Seland Newydd i ddeud gair bach am be’ mae Dydd Gŵyl Dewi yn ei olygu iddo fo, ac un neu ddau arall o gymdeithas Gymreig De Tasmenia!

“Mi oedd bob un ohonyn nhw’n caru Cymru ac yn hynod falch o fod yn Gymry.”

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl