Gorymdeithiau Dydd Gŵyl Dewi ledled y wlad

Diweddarwyd am  

Dathlu Dydd Gŵyl Dewi yn yr eira yn Wrecsam

Llun gan fenter iaith Fflint a Wrecsam

“Does dim digon o ddathlu Cymreictod yng Nghymru,” meddai un o drefnwyr y llu o orymdeithiau Gŵyl Dewi fydd yn cael eu cynnal ledled y wlad dros y dyddiau nesaf.

Mae Siôn Jobbins wedi bod yn rhan o’r trefniadau ar gyfer Parêd Gŵyl Dewi Aberystwyth ers ei sefydlu yn 2013.

Dywed fod y digwyddiad yn mynd o nerth i nerth bob blwyddyn, ac mae disgwyl i tua 800 o bobol ymuno yn y dathlu dros y penwythnos (dydd Sadwrn, Mawrth 2).

Un o arferion blynyddol y parêd, eglura Siôn Jobbins, yw dathlu cyfraniad unigolyn lleol i’r Gymraeg a’i diwylliant, ac eleni Dilys Mildon, cyn-berchennog bwyty Gannet’s yn y dref, sydd wedi ei dewis yn Dywysydd.

“Mae’n bwysig i ddangos i bobol y dref – y siopau a’r cynghorwyr – bod y Gymraeg a Chymru yn bwysig i bobol Aberystwyth,” meddai Siôn Jobbins wrth golwg360.

“Mae’n dod â bach o hwyl i’r dref, bach o arian ac mae hefyd yn cryfhau’r gymuned Gymraeg yn y dref.”

Bydd y diwrnod ei hun yn cynnwys adloniant cerddorol gan Huw ‘Banjo’ ac Iwcs a Hwyl, cyn y bydd sesiwn werin rad ac am ddim yn cael ei chynnal yn nhafarn y Llew Du yn ystod y prynhawn.

Gorymdeithiau eraill

Mae disgwyl i drefi ledled y wlad ddathlu dydd nawddsant Cymru heddiw (dydd Gwener, Mawrth 1), gyda gorymdeithiau’n cael eu cynnal yng Nghaerdydd, Aberteifi a Wrecsam.

Bydd y dathlu yn parhau am weddill y penwythnos wedyn gyda digwyddiadau tebyg yn cael eu cynnal ym Mhwllheli, Bangor, Caerfyrddin a Llanbedr Pont Steffan.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl