Cyngor Lerpwl yn dechrau cydnabod “cyfraniad mawr”

Diweddarwyd am  

Mae talcen Wynnstay Street bellach yn waith celf

Llun: golwg360 / Karen Owen

Mae Cyngor Lerpwl wedi newid ei hagwedd at hanes Cymreig y ddinas, yn ôl aelod grŵp treftadaeth.

Cafodd ‘Cymdeithas Etifeddiaeth Cymry Glannau Mersi’ ei sefydlu yn 2000, ac ers hynny mae wedi codi placiau i lu o ffigyrau Cymreig gan gynnwys Gwilym Hiraethog a Saunders Lewis.

Mae un o’i sefydlwyr, D Ben Rees, yn mynnu eu bod wedi gwneud “lot o waith” a bellach gyda “tipyn o ddylanwad”.

“Ar y dechrau, pan ddes i yma am y tro cyntaf, Gwyddelod oedd y cwbwl,” meddai wrth golwg360.

“Dyna oedd yr argraff oedd yn cael ei rhoi oherwydd roedd nifer o haneswyr da iawn yn y brifysgol oedd yn arbenigo ar hanes y Gwyddelod.

“Ond rydyn ni yn gwneud impact go dda. Rydyn ni wedi newid y pwyslais. Mae’r ddinas, a neuadd y ddinas, yn deall hynny.

“Rydyn ni wedi dod ag arweinwyr y ddinas i fewn i’n dathliadau ni. Maen nhw’n dechrau sylweddoli bod cyfraniad Cymru yn go fawr yn y ddinas.”

Y Strydoedd Cymreig

Un “buddugoliaeth go fawr” i’r grŵp, meddai D. Ben Rees, oedd penderfyniad y Cyngor Lerpwl i newid eu cynlluniau ar gyfer Strydoedd Cymreig y ddinas.

Roedd cymuned Gymreig Lerpwl yn arfer byw mewn tai yn y Strydoedd Cymreig, ac mae’r strydoedd hynny ag enwau Cymraeg arnyn nhw.

Mae D. Ben Rees yn dweud bod y Cyngor wedi bwriadu eu dymchwel i gyd, ond ar ôl rhywfaint o ymgyrchu mae’n dweud y bu iddo eu hargyhoeddi i’w adnewyddu yn lle.

Mater newydd sydd o bryder i D Ben Rees yw Ffynnon y Piazza. Cafodd y ffynnon ei dylunio gan y Cymro, Richard Huws ac mae yna gynlluniau i’w symud.

“Fuaswn i ddim eisiau i hwnnw ddianc chwaith,” meddai. “Dw i’n gobeithio eu bod yn mynd i’w rhoi yn rhywle lle fydd pobol yn medru ei weld.”

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019