Tân gwair ar fynydd ger Tregaron “bellach o dan reolaeth”

Diweddarwyd am  

Llun: CC0

Mae tân difrifol a effeithiodd ar 150 hectar o fynydd ger Tregaron bellach o dan reolaeth, yn ôl y gwasanaeth tân.

Cafodd Gwasanaeth Tân ac Achub Canolbarth a Gorllewin Cymru eu galw i dir mynyddig rhwng Cwm Berwyn a Nant Stalwyn toc cyn 11.30yb ddoe (dydd Mawrth, Chwefror 26) yn dilyn adroddiadau o dân gwair.

Bu ymladdwyr tân, a oedd yn cynnwys rhai o Dregaron, Llanbedr Pont Steffan, Cei Newydd, Aberystwyth, Llanwrtyd a Llanfair-ym-Muallt, yn ceisio rheoli’r fflamau trwy gydol y dydd tan yn hwyr y nos neithiwr.

Ond yn dilyn ymdrechion newydd y bore yma (Chwefror 27), mae’r fflamau bellach o dan reolaeth ac wedi eu diffodd.

Does dim cadarnhad ynglŷn â beth achosodd y tân, nac adroddiadau bod unrhyw adeiladau neu bobol wedi eu heffeithio.

Tanau eraill

Daw’r digwyddiad yn sgil nifer o danau gwair ledled Cymru yn ystod y deuddydd diwethaf, sydd wedi gweld cyfnod o dywydd mwynach na’r arfer ar gyfer mis Chwefror.

Bu’n rhaid i ddyn gael ei achub o’r mynydd yng Nglyndyfrdwy ger Llangollen ar ôl i’w dractor gael ei amgylchynu gan y tân.

Bu criwiau hefyd yn ymladd tanau gwair yn ardal Cwm Cynon yn ne Cymru, gan gynnwys rhai yn Aberpennar ac Aberdâr.

Clonc360

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl