Trigolion lleol am “drwsio ac ychwanegu” at lwybr cerdd Dic Jones

Diweddarwyd  

Dic Jones

Llun: Gomer

Mae trigolion lleol yn Aberporth yn bwriadu adnewyddu llwybr cerdd yn yr ardal er mwyn dynodi deng mlynedd ers marwolaeth y cyn-Archdderwydd, Dic Jones.

Mae Cyngor Cymuned Aberporth mewn trafodaethau â theulu’r diweddar brifardd er mwyn cynnal a chadw’r llwybr, sy’n cynnwys pytiau o farddoniaeth y ffermwr a dreuliodd ei oes waith ar fferm yr Hendre.

Yn ôl Brychan Llŷr, a greoedd y llwybr ychydig dros ddeng mlynedd yn ôl er mwyn dathlu gwaith ei dad, y nod yw “adnewyddu ac ychwanegu” at y llwybr, sy’n dirwyn o hen gartref y teulu i bentref Aberporth.

‘Syniad’

Er bod y cynllun yn ei ddyddiau cynnar ar hyn o bryd, dywed y cyn-aelod o fand Jess ei fod eisoes wedi derbyn cefnogaeth gan berchennog newydd yr Hendre, sy’n “ymddiddori yn y ffaith ei fod wedi prynu hen ffarm Dic Jones”.

Ychwanega ei fod hefyd yn ystyried gofyn i blant lleol gyfrannu at y llwybr, gan sicrhau ei fod yn rhywbeth “sy’n eiddo iddyn nhw, ac yn eiddo i’r gymuned”.

“Mae’n rhwydd i ni edrych yn ôl ar fywyd a gwaith Dic yr Hendre, ond er mwyn i hwn fod yn rhywbeth o lwyddiant, dw i ishe iddo fe edrych ymlaen…” meddai Brychan Llŷr wrth golwg360.

“Beth y’n ni’n trio ei wneud yw cael y genhedlaeth nesaf i ymddiddori mewn barddoniaeth, a hefyd mewn celf.

“Y ffordd orau o wneud hynny yw bod yr holl beth yn dod yn fyw ar y llwybr cerdd.”

Cefn Gwlad

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl