Ymgyrchwyr iaith yn “cyd-sefyll” ag ymprydiwr Cwrdaidd o Gasnewydd

Diweddarwyd am  

Tafod y Ddraig

Llun: Cymdeithas yr Iaith

Mae ymgyrchwyr iaith yn galw ar Lywodraeth Cymru i weithredu wrth i ymprydwyr geisio dod â charchariad arweinydd Cwrdaidd i ben.

Ymhlith yr ymprydwyr mae Imam Sis, 32, sy’n byw yn ninas Casnewydd ers pum mlynedd ac wedi bod yn ymprydio ers cyfnod o fwy na deufis.

Mae ei safiad yn rhan o ymgyrch ymprydio ryngwladol sy’n cynnwys y gwleidydd, Leyla Güven, 15 ymprydiwr yn Stasbwrg ac o leiaf 60 mewn carchardai yn Nhwrci.

Y nod yw sicrhau bod Abdullah Öcalan, arweinydd Plaid Gweithwyr Cwrdistan, yn cael ei ryddhau wedi ugain mlynedd o fod dan glo.

Mae cefnogwyr yr ymgyrch yn ymprydio am ddiwrnod yn y Ganolfan Gymunedol Cwrdaidd yng Nghasnewydd heddiw (dydd Llun, Chwefror 25).

Galwadau

Mae Cymdeithas yr Iaith yn ategu galwadau Senedd Gwrdaidd Cymru ac Imam Sis, sy’n mynnu:

  • bod y Pwyllgor Atal Artaith yn ymweld â Charchar Imrali er mwyn cadw golwg ar amodau carchariad Abdullah Öcalan;
  • bod Llys Hawliau Dynol Ewrop yn gweithredu yn erbyn Llywodraeth Twrci sy’n torri hawliau dynol Abdullah Öcalan;
  • bod Llywodraeth Cymru yn galw ar y Pwyllgor Atal Artaith a Llys Hawliau Dynol Ewrop i weithredu;
  • bod Llywodraeth Cymru yn gwrthsefyll unrhyw weithredu milwr gan Wladwriaeth Twrci, neu sydd wedi’i gynllunio ganddi, yn Ffederasiwn Ddemocrataidd Syria.

“Cyd-sefyll”

Yn ôl Osian Rhys, Cadeirydd Cymdeithas yr Iaith, mae’r ffaith bod un o ddinasyddion Cymru yn barod i weithredu yn dangos “difrifoldeb y sefyllfa”.

“Mae Abdullah Öcalan yn diodde carchariad unigol ers cael ei arestio ugain mlynedd yn ôl – mae hyn yn cael ei ystyried yn ffurf ar arteithio,” meddai.

“Dydy ei gyfreithwyr ddim wedi cael ymweld â fe ers 2011, a dydy ei deulu ddim hyd yn oed yn cael ei weld yn rheolaidd.”

“Mae dod â charchariad Abdullah Öcalan i ben yn hanfodol i ddatrys y ‘Cwestiwn Cwrdaidd’, ac i heddwch yn y Dwyrain Canol.

“Mae’n bwysig bod gwledydd fel Cymru yn gwneud ein rhan i sicrhau cyfiawnder yn y byd – gofynnwn i Lywodraeth Cymru godi llais a galw am ymyrraeth y Pwyllgor Atal Artaith a Llys Hawliau Dynol Ewrop.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones