“Anrhydedd” rapwyr o gael coffáu Paul Flynn

Diweddarwyd am  
Paul Flynn

Paul Fynn

Llun Stefan Rosseau / PA Wire

Mae Rhys Hutchings, aelod o’r band Goldie Lookin’ Chain a chyn-gynghorydd Llafur yng Nghasnewydd, yn dweud mai “anrhydedd” oedd cael cyfansoddi cân er cof am Paul Flynn.

Bu farw’r Aelod Seneddol Llafur dros Orllewin Casnewydd nos Sul (Chwefror 17), ac yntau’n 84 oed.

Mae’r gân ‘Paul’ yn sôn am gariad y gwleidydd at ei filltir sgwâr, ei farf adnabyddus, a rhai o’i ddaliadau gwleidyddol, gan gynnwys ymgyrchu tros y defnydd o ganabis.

Mae’r gân wedi cael ei gwylio mwy na 15,000 o weithiau ar dudalen Facebook y band, ac wedi cael ei hoffi dros 200 o weithiau a’i rhannu dros 300 o weithiau.

Cafodd ei chyfansoddi gan Rhys Hutchings, y cyn-gynghorydd Llafur yn ward St. Julians yn y ddinas rhwng 2012 a 2017.

‘Dyn Casnewydd i’r carn’

“R’yn ni bron iawn yn teimlo fel pe bai popeth wnaethon ni o’r blaen yn adeiladu lan fel y gallwn ni wneud y trac hwn i Paul,” meddai Rhys Hutchings wrth golwg360.

“Roedd Paul yn elfen gyson o’n bywydau yng Nghasnewydd, a theimlad braf bob amser oedd ei weld e ar y teledu ac ati, oherwydd mai dyn Casnewydd i’r carn oedd e.

“Mae llawer o gariad at Paul yn ardal Casnewydd, ac fe fydd colled ar ei ôl e. Does dim modd disodli Paul.

“Mae’n anrhydedd fawr i ni gael cadw’r cof am Paul yn fyw, a’n bod ni’n gallu lledaenu’r cariad oedd gan bawb ato fe.”

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl