Ceidwadwyr ddim am roi’r bleidlais i garcharorion

Diweddarwyd am  
Carchar

Carchar

Llun: Llywodraeth y Deyrnas Unedig

Mae’r Aelod Cynulliad Ceidwadol tros ogledd Cymru yn erbyn rhoi’r hawl i garcharorion bleidleisio mewn etholiadau.

Daw sylwadau Mark Isherwood yn dilyn galwadau gan y Blaid Lafur a Phlaid Cymru i roi’r hawl i garcharorion bleidleisio yn etholiadau’r Cynulliad ac etholiadau lleol.

Yn ôl Mark Isherwood – sy’n Weinidog Cysgodol dros Gymunedau a Llywodraeth Leol – mae atal carcharorion rhag bwrw pleidlais yn rhan o’u cosb.

“Mewn arolwg YouGov yn 2017, dim ond naw y cant o bobol yng Nghymru ddywedodd y dylai pob carcharor gael caniatâd i bleidleisio,” meddai Mark Isherwood.

Mae atal carcharorion rhag cael pleidlais, meddai,  yn adlewyrchu penderfyniad y gymuned nad yw’r person hwnnw yn addas i fod yn rhan o’r broses o wneud penderfyniadau.

“Cadw hawliau dynol”

Mae Plaid Cymru o blaid rhoi’r bleidlais i garcharorion “er mwyn cadw hawliau dynol ac egwyddorion democratiaeth,” meddai Leanne Wood.

“Mae Llywodraeth y DU yn gyson wedi methu â chydymffurfio â’i gyfrifoldebau o ran hawliau dynol yn y maes hwn ac mae cyfle i Gymru wneud pethau’n wahanol,” meddai.

Yn ôl llefarydd ar ran Lywodraeth Cymru, maen nhw’n “cefnogi’r egwyddor o ryddfreinio carcharorion Cymru ac yn ystyried opsiynau ar gyfer etholiadau llywodraeth leol”.

Mae Pwyllgor Cydraddoldeb, Llywodraeth Leol a Chymunedau’r Cynulliad yn ymchwilio i hawliau pleidleisio carcharorion.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019