Ethol Aelod Cynulliad yn gynghorydd sir i frwydro tros ysgol gynradd

Diweddarwyd  
Andrew R T Davies

Andrew RT Davies

Llun: Cyynulliad Cenedlaethol Cymru CC 2.0

Mae cyn-Arweinydd y Ceidwadwyr yn y Cynulliad wedi ei ethol yn gynghorydd sir – er mwyn brwydro yn erbyn cynghorwyr o’i blaid ef ei hun.

Y Ceidwadwyr sy’n rheoli Cyngor Sir Bro Morgannwg ac maen nhw eisiau cau Ysgol Gynradd Llancarfan.

Ond mae Andrew RT Davies, Aelod Cynulliad tros ranbarth Canol De Cymru, wedi dweud ei fod yn “chwyrn yn erbyn” y cynlluniau i gau’r ysgol.

Ac er mwyn brwydro tros gadw’r ysgol, mae Andrew RT Davies wedi ei ethol yn gynghorydd sir tros y Rhws.

Mae wedi addo cefnogi Cabinet Ceidwadol ar bopeth heblaw’r cynllun i gau Ysgol Gynradd Llancarfan, gan ddweud mae ysgolion gwledig yw “yr hyn sydd yn cynnal bywyd cefn gwlad”.

Nid yw yn bwriadu ildio ei sedd yn y Cynulliad.

Cefndir

Mae tros 1,000 o bobol yn gwrthwynebu’r cynllun i gau Ysgol Gynradd Llancarfan a symud y plant i ysgol newydd werth £4 miliwn yn y Rhws, ble mae stad o dai newydd yn cael ei chodi.

Ym mis Ionawr fe ymddiswyddodd Matthew Lloyd, cynghorydd Ceidwadol y Rhws ar y pryd, oherwydd ei fod yn gwrthwynebu cau’r ysgol.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones