Aelod Cynulliad yn rhybuddio Jeremy Corbyn rhag bod yn ‘was bach y Blaid Geidwadol’

Diweddarwyd  
Pen ac ysgwydd o Alun Davies, Gweinidog y Gymraeg

Alun Davies

Llun: Cynulliad Cenedlaethol Cymru CC 2.0

Mae cyn-weinidog yn Llywodraeth Lafur Cymru wedi rhybuddio y gallai arweinydd y blaid, Jeremy Corbyn, gael ei gofio am fod yn “was bach” i lywodraeth Geidwadol Theresa May.

Hynny, meddai Alun Davies Aelod Cynulliad Blaenau Gwent, os bydd Llafur yn helpu’r Ceidwadwyr i sicrhau bargen i fynd â’r Deyrnas Unedig allan o’r Undeb Ewropeaidd.

Mewn gwrs gyda’r cyflwynydd teledu Guto Harri ar gyfer rhaglen S4C Y Byd yn ei Le, fe alwodd eto ar i’r arweinydd Llafur alw am ail refferendwm Brexit.

“Dw i eisie iddo fe gydnabod polisi’r Blaid Lafur, dw i eisie iddo fe weithredu polisi’r Blaid Lafur a dw i eisie iddo fe sefyll dros egwyddorion y Blaid Lafur,” meddai.

Fe rybuddiodd y byddai’r Blaid Lafur yn cael ei “chosbi” petai’n helpu i sicrhau Brexit i’r Ceidwadwyr ac fe fyddai Jeremy Corbyn yn cael ei gofio am fod yn “was bach y Blaid Geidwadol” a’r llywodraeth waetha’ yr oedd wedi ei gweld.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019