Bachgen yn yr ysbyty yn dilyn ymosodiad mewn ysgol yn Bae Colwyn

Diweddarwyd  

Car yr heddlu

Llun oddi ar wefan yr Heddlu

Bu’n rhaid i fachgen gael ei gludo i’r ysbyty yn dilyn ymosodiad mewn ysgol uwchradd ym Mae Colwyn heddiw.

Yn ôl Heddlu Gogledd Cymru, fe gawson nhw eu galw i Ysgol Eirias ynghanol y bore ddydd Llun (Chwefror 11) yn dilyn adroddiad bod disgybl wedi ymosod ar un arall.

Cafodd bachgen ei gludo i’r ysbyty gydag anafiadau sydd ddim yn cael eu hystyried yn rhai a fydd yn newid ei fywyd.

Ychwanega’r heddlu fod yr ymchwiliad yn parhau a bod swyddogion yn siarad â thystion yn y lleoliad.

“Mae yna bresenoldeb cynyddol o’r heddlu yn yr ysgol er mwyn tawelu meddyliau,” meddai Prif Arolygydd Owain Llewellyn.

“Nid oes modd rhoi manylion pellach ar hyn o bryd, ond rydym yn gofyn i bobol beidio â damcaniaethau ar y mater ar y cyfryngau cymdeithasol.”

 

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed