Ymchwilio i ladrad ac ymosodiad ar ddynes yn Port Talbot

Diweddarwyd am  

Mae Heddlu’r De yn ymchwilio i ymosodiad yn nhref Port Talbot, wedi i ddynes oedrannus gael ei bwrw yn ei hwyneb yn ystod lladrad.

Cerddodd dyn at y ddynes, sydd yn ei 70au, wrth iddi gerdded i’w char ar Heol Forge am oddeutu 8.30 nos Wener, Ionawr 18.

Gafaelodd y dyn yn ei hwyneb a cheisio dwyn bag oddi arni, gan ddweud bod angen “ychydig o bunnoedd” arno.

Cafodd y ddynes ei bwrw yn ei hwyneb cyn i’r lleidr redeg i ffwrdd pan aeth car heibio a chanu’r corn.

Mae’r heddlu’n chwilio am y gyrrwr er mwyn cael rhagor o wybodaeth.

Chwilio am y lleidr

Mae’r heddlu’n chwilio am y lleidr, sy’n cael ei ddisgrifio fel dyn 5’10” o daldra ac o gorffolaeth denau.

Roedd arogl mwg cryf yn ei gylch e.

Roedd e’n cario bag ar ei gefn ac yn gwisgo menig a sgarff yn cuddio’i wyneb.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl