Delyth Jewell yw Aelod Cynulliad newydd Plaid Cymru

Diweddarwyd am  

Delyth Jewell

Llun oddi ar wefan Plaid Cymru

Mae Delyth Jewell wedi cymryd ei sedd fel Aelod Cynulliad newydd Plaid Cymru dros Dde Ddwyrain Cymru.

Fe dyngodd y ferch o Gaerffili, fydd yn cymryd lle’r diweddar Steffan Lewis, ei llw ddoe (dydd Gwener, Chwefror 8) gan addo “gwneud popeth i anrhydeddu Steffan”.

“Mae’n fraint anferthol i olynu Steffan Lewis fel Aelod Cynulliad Cymru dros Dde Ddwyrain Cymru,” meddai, cyn ychwanegu mai ei nod yw “cynrychioli’r bobol y gwnaeth ef eu cynrychioli mor dda”.

Cefndir

Cafodd Delyth Jewell ei geni yng Nghaerffili a’i magu yn Ystrad Mynach.

Fe fynychodd Ysgol Bro Allta, ac yna Ysgol Gyfun Cwm Rhymni, cyn graddio gyda BA a gradd meistr o Brifysgol Rhydychen.

Ers hynny, mae hi wedi bod yn ymchwilydd seneddol yn San Steffan ble chwaraeodd hi ran flaenllaw ar ymgyrchoedd wnaeth arwain ar gyfreithiau newydd ar stelcian yn 2012 a thrais yn y cartref yn 2015.

Bu hefyd yn gweithio i Cyngor ar Bopeth a’r elusen ActionAid sy’n gweithio ar faterion yn ymwneud â hawliau menywod a datblygu rhyngwladol.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl