Dathlu ‘Dydd Miwsig Cymru’ ledled y wlad

Diweddarwyd am  

Y DJ Huw Stephens yn lansio Dydd Miwsig Cymru

Llun: Dydd Miwsig Cymru

Bydd digwyddiadau yn cael eu cynnal ledled y wlad ar ddydd Gwener (Chwefror 8), wrth i’r genedl ddathlu Dydd Miwsig Cymru.

Yn Abertawe mi fydd gig arbennig yn cael ei gynnal – yn rhad ac am ddim – yn ‘The Bunkhouse’ gyda Los Blancos, Y Sybs, a Hyll yn perfformio.

Ac yng Nghlwb Ifor Bach, Caerdydd, bydd modd gweld llu o fandiau gan gynnwys Gwilym, CHROMA, R.Seiliog, Ani Glass, a Rhys Dafis.

Bydd cerddoriaeth Gymraeg yn cael ei chwarae mewn 104 o dafarnau S.A.Brain & Co, wedi i’r cwmni gytuno i gyfrannu at y diwrnod.

Ac mi fydd boombox â cherddoriaeth Gymraeg yn teithio i ysgolion ar draws Cymru gan ddechrau yng Nghaergybi a gorffen yng Nghaerdydd.

“Y diwrnod mawr”

“Efallai mai gitârs neu greim, hip hop neu harmonïau, bîts gwichlyd neu ganu’n uchel ar y cyd yw dy bethau,” meddai’r DJ Radio 1 a ‘llysgennad miwsig Cymraeg’, Huw Stephens.

“Ond beth bynnag sy’n dy gyffroi, mae yna fiwsig Cymraeg i ti wrando arno a syrthio mewn cariad o’r nodyn cyntaf …

“Dyma’r diwrnod a fydd yn dathlu peth o’r miwsig anhygoel sy’n cael ei wneud yn y Gymraeg.

“Ble bynnag yr wyt ti yng Nghymru, mae gennym ni sioeau byw ym mhob rhan o’r wlad ar y diwrnod mawr.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019