Cadarnhad mai corff Emiliano Sala gafodd ei ddarganfod mewn awyren

Diweddarwyd am  
Sgarffiau a blodau wedi cael eu gadael i Emiliano Sala tu allan i Glwb pel-droed Dinas Caerdydd

Sgarffiau a blodau wedi cael eu gadael i Emiliano Sala tu allan i Glwb pel-droed Dinas Caerdydd

Llun: Ben Birchall/PA

Daeth cadarnhad mai corff Emiliano Sala gafodd ei ddarganfod yng ngweddillion awyren ger Guernsey.

Cafodd ei gorff ei godi o weddillion yr awyren fechan ar wely’r môr a’i adnabod yn swyddogol gan y crwner yn Dorset ddydd Iau, 7 Chwefror.

Nid yw corff y peilot, David Ibbotson, 59, wedi cael ei ddarganfod. Bu’n rhaid rhoi’r gorau i chwilio amdano oherwydd amodau tywydd gwael.

Mae teuluoedd y ddau ddyn wedi cael gwybod ac yn parhau i gael cymorth gan swyddogion cyswllt teulu arbenigol.

Dywedodd Clwb Pêl-droed Caerdydd mewn datganiad eu bod yn estyn “cydymdeimlad o waelod calon” at deulu Emiliano Sala.

Mae nifer o chwaraewyr pêl-droed eraill hefyd wedi talu teyrnged i ymosodwr Caerdydd a oedd newydd arwyddo i’r clwb.

Mae Arlywydd yr Ariannin Mauricio Macri hefyd wedi cydymdeimlo gyda theulu Emiliano Sala.

Fe ddiflannodd yr awyren Piper Malibu N264DB dros y Sianel ger Guernsey ar 21 Ionawr. Roedd Emiliano Sala yn teithio o Nantes i Gaerdydd er mwyn dechrau hyfforddi gyda’i glwb newydd.

Roedd timau achub wedi methu a dod o hyd i’r awyren ond cafodd ei darganfod yn ddiweddarach gan Y Gangen Ymchwiliadau Damweiniau Awyr (AAIB) ar ôl i deulu’r pêl-droediwr dalu am ymdrech newydd i chwilio amdano.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer