Paratoi “ail gôt o baent” ar lythrennau wal Llanrhystud ddiwedd yr wythnos

Diweddarwyd am  
Criw o bobol ifanc yn adfer wal 'Cofiwch Dryweryn'

Criw o bobol ifanc yn adfer slogan ‘Cofiwch Dryweryn’

Llun trwy law Elfed Wyn Jones

“Mae’n braf cael y llythrenne yn eu lle,” meddai un o’r criw sydd yn mynd ati i ail-baentio’r geiriau ‘Cofiwch Dryweryn’ ar y wal ger Llanrhystud.

Mae Elfed Wyn Jones yn un o’r rhai sy’n adfer y geiriau hanesyddol ar y wal yn Nhroedrhiw, Llanrhystud ar ôl i enw ‘Elvis’ ymddangos yn eu lle nos Wener.

Mae’r geiriau wedi’u hysgrifennu ar y wal erbyn hyn, a bydd côt o baent arall drostyn nhw ddiwedd yr wythnos hon.

“Rydan ni’n mynd yno eto diwedd wythnos i roi paent ar y llythrenne,” meddai Elfed Wyn Jones mewn neges i golwg360.

Daw ei sylwadau ychydig ddiwrnodau ar ôl iddo ddweud iddo fe a’i ffrindiau gael eu siomi o weld “darn o hanes Cymru yn cael ei difrodi”, a bod hynny wedi’u symbylu i “ymateb yn syth”.

Dilyn ein cydwybod

“Ddaru ni feddwl, os wnawn ni ddim gweithredu, hwyrach na fyddai neb arall yn ei wneud,” meddai Elfed Wyn Jones eto.

“O’i gydwybod ei hun ddaru pawb ei wneud o. Fe wnaethon ni ymateb yn syth i ddangos ein bod ni wedi cael digon o bethau’n cael eu difrodi yn y wlad yma a’r amarch fel yma.

“Fe wnaethon ni ymateb yn syth i ddangos ein bod ni’n barod i weithredu’n gyflym pan fo rhywbeth fel hyn yn digwydd.”

Celf Weledol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed