Tai fforddiadwy Llanuwchllyn: “Rhaid blaenoriaethu pobol leol”

Diweddarwyd am  
Adeiladwr

LLun: CCO

Mae angen i gymuned Llanuwchllyn fwrw ati’n “eithaf sydyn” i ystyried sefyllfa dai’r pentref, yn ôl cynghorydd cymuned leol.

Mae Arwel Jones yn cynrychioli Maes-Y-Pandy, ac yn croesawu’r ffaith bod tai fforddiadwy wedi cael eu codi yn y gymuned yn y gorffennol.

Ond, mae’n pryderu am y sefyllfa sydd ohoni, ac yn credu bod angen sicrhau bod pobol leol yn cael eu blaenoriaethu.

“Mae yna bedwar o dai fforddiadwy wedi cael eu hadeiladu yma yn y gorffennol, ac mae’r pedwar wedi gwneud eu pwrpas,” meddai wrth golwg360. “Pobol leol i gyd sydd yn byw ynddyn nhw.

“Ond, mae’n eithaf pwysig ei fod o yn cael ei drafod. Tai teras yw’r rhai sydd yn mynd ar werth yma. Ac yn anffodus, Saeson a phobol sydd eisiau tai haf sydd yn mynd amdanyn nhw a’u prynu.

“Dw i’n meddwl ei fod o yn bwysig ein bod ni’n edrych ar y sefyllfa yn eithaf sydyn.”

Mae Arwel Jones yn sôn am athro a fethodd a phrynu tŷ fforddiadwy gan fod ei gyflog yn rhy uchel, ac mae’n awgrymu bod angen llacio rheolau gwerthiant y tai yma er lles pobol leol.

Pobol ifanc

Er ei bryderon, mae’r cynghorydd yn ddigon gobeithiol am ddyfodol ei bentref, ac mae’n canmol pobol ifanc leol am ymdrechu i aros yno.

“O edrych ar y sefyllfa yn Llanuwchllyn, dw i wedi gweld bod pobol ifanc yn trio’u gorau i brynu tai yn y pentref,” meddai. “Ac mae o wedi digwydd.

“Dw i’n meddwl rŵan am gymaint o bobol ifanc wedi bod yn lwcus achos eu bod wedi cael swyddi lleol, ac wedi dod yn ôl a phrynu tai yn eu pentref genedigol.

“Oes, wrth gwrs, mae pobol yn symud oherwydd gwaith, ond mae pobol ifanc Llanuwchllyn yn trio eu gorau i ddod yn ôl a sefydlu yn yr ardal.”

Mae’n ategu bod diwylliant y pentref “dal mor gryf ag erioed” a bod yr “iaith Gymraeg yn cael y blaenaf bob amser yma.”

Cefn Gwlad

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed