“Dim Saesneg gorfodol i blant oed meithrin” meddai gweinidog

Diweddarwyd  

Llun: Llywelyn2000 CC SA 4.0 trwy Gomin Wicimedia

Mae Gweinidog y Gymraeg Llywodraeth Cymru wedi cadarnhau na fydd Saesneg yn cael ei orfodi ar blant bach mewn ysgolion meithrin yng Nghymru.

Daw hyn yn dilyn beirniadaeth gan wleidyddion ac ymgyrchwyr iaith ynghylch papur gwyn y Llywodraeth sy’n nodi y bydd rhaid i addysg sydd wedi’i chyllido ddysgu Saesneg fel elfen orfodol o’r cwricwlwm.

Mae hyn i’r gwrthwyneb i’r drefn bresennol, lle mae modd ei dysgu’n raddol ar ôl saith oed.

Ond wrth ymateb i gwestiwn ar lawr Siambr y Cynulliad heddiw (dydd Mercher, Ionawr 30), fe ddywedodd Eluned Morgan y bydd y trefniadau fel y maen nhw ar hyn o bryd “heb eu newid” o dan y cwricwlwm newydd.

“Dw i’n meddwl ei bod hi’n well i ni danlinellu’r ffaith ein bod ni’n deall bod trochi cyfrwng Cymraeg yn hanfodol o ran gwireddu ein gweledigaeth ni ar gyfer miliwn o siaradwyr,” meddai.

“Dw i wedi cael fy sicrhau gan y Gweinidog Addysg [Kirsty Williams] y bydd y trefniadau trochi Cymraeg presennol – y rhai sy’n cael eu darparu gan fudiadau fel y [Mudiad] Meithrin – yn parhau heb eu newid fel rhan o’r cwricwlwm newydd yma.”

Addysg

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl