“Bwrdd ddim yn gwrando ar gleifion” meddai claf a gadwodd ei goes

Diweddarwyd am  
Mynedfa Ysbyty Glan Clwyd

Ysbyty Glan Clwyd

Llun oddi ar wefan Bwrdd Iechyd Prifysgol Betsi Cadwaladr

Mae claf yn teimlo’n rhwystredig yn sgil y ddiffyg ymgynhori gan prif weithredwr y Bwrdd Iechyd gyda chleifion yr Uned.

Daeth Mark Priestley o Ddeganwy yn agos iawn at golli ei goes a’i fywyd pan gafodd haint yn ei goes, a “lwcus mai lawr yr A55 i Fangor at yr Athro Dean Williams” oedd angen iddo fynd meddai, yn hytrach nag i Ysbyty Glan Clwyd, Bodelwyddan.

Ar ôl i’w nyrs leol ddweud fod ganddo fath penodol o anaf a bod angen triniaeth arbenigol arno, cafodd lawdriniaeth ar frys yn Uned Fasgwlar Ysbyty Gwynedd.

“Os na fyddwn i wedi cyrraedd yno mewn pryd ac wedi mynd i Glan Clwyd, mi fysai’r glot wedi gallu cyrraedd fy nghalon ac arwain ar farwolaeth o fewn ychydig oriau,” meddai Mark Priestley wrth golwg360.

“Mae hi’n uned fasgwlaidd brys sy’n enwog iawn, ac sy’n sefydlog. Mae’r bwrdd iechyd wedi gwneud addewidion blaenorol i gadw’r uned fasgwlar yno.”

Mae Mark Priestley yn pwyntio bys at y bwrdd Iechyd, ac yn benodol at Brif Weithredwr Bwrdd Iechyd Prifysgol Betsi Cadwaladr, Dr Evan Moore, a oedd wedi dweud pan gafodd ei apwyntio mai “ei flaenoriaeth oedd gwrando ar gleifion”.

“Ychydig iawn o ymgynghori efo cleifion sydd wedi cael ei wneud,” meddai Mark Priestley. “Mae angen adolygiad brys ar yr effaith ar gleifion sy’n byw ar ymylon y sir.

“Dydi Glan Clwyd ddim yn ganolog, ac mae angen i ni fod yn cefnogi cymunedau lleol wrth ddarparu’r gwasanaeth pwysig hwn.”

Arfon

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer