Anrhydeddu perchennog siop am achub dynes a yrrodd ei char i mewn i lyn

Diweddarwyd  

Y car wedi moelyd yn yr afon

Llun: Arwel Morgan

Mae disgwyl i berchennog siop o Lanybydder, Sir Gaerfyrddin, gael ei anrhydeddu gan Heddlu Dyfed-Powys yr wythnos hon ar ôl iddo achub dynes oedrannus a yrrodd ei char i mewn i lyn tua blwyddyn yn ôl.

Roedd Arwel Morgan, perchennog Siop y Bont, yn gweithio ar y fferm deuluol pan gafodd wybod gan ei dad, David, a’i frawd, Emyr, fod car wedi’i yrru oddi ar ffordd yr A485 rhwng Llanybydder a Phencarreg i mewn i lyn ar dir cyfagos.

Ar ôl dod o hyd i ddynes yn sownd yn y car, bu’n rhaid i Arwel Morgan, gyda help llaw ei dad, ei frawd a’r postmon lleol, Paul Jones, roi cymorth cyntaf iddi a sicrhau ei bod hi’n anadlu eto.

Fe wnaethon nhw wedyn ofalu amdani hyd nes i’r gwasanaethau brys gyrraedd y safle yn ddiweddarach.

Anrhydeddu

Bydd Arwel Morgan yn derbyn un o wobrau cymeradwyaethau’r Prif Gwnstabl mewn seremoni ym mhencadlys Heddlu Dyfed-Powys yn Llangynnwr nos Wener (Ionawr 25).

Dywed iddo gael “sioc” pan glywodd ei fod am dderbyn gwobr, ond ychwanega mai’r hyn sy’n bwysig yw bod y ddynes a gafodd ei hachub yn fyw ac yn iach erbyn hyn.

“Mae’n cadw in touch gyda ni,” meddai Arwel Morgan. “Mae’n hala cardie adeg pen-blwydd a Nadolig, ac rydyn ni wedi bod yn cael chats gyda’n gilydd.

“Dydw i ddim ishe lot o fuss, ond mae’n neis ein bod ni wedi gallu ei safio hi.”

Dyma Arwel Morgan, yn ei eiriau ei hun, yn disgrifio’r hyn a ddigwyddodd wedi’r ddamwain…

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones