Gorymdaith i gefnogi busnesau Guildford Crescent Caerdydd

Diweddarwyd am  

Gwdihŵ, Guildford Crescent, Caerdydd

Mae gorymdaith i gefnogi busnesau Guildford Crescent Caerdydd yn mynd yn ei blaen, er i berchnogion yr adeiladau ohirio’r gwaith dymchwel am y tro.

Cafodd perchnogion bar Gwdihŵ a nifer o fusnesau eraill wybod y byddai’n rhaid iddyn nhw adael eu safleoedd erbyn diwedd y mis.

Ond mae’r cynlluniau wedi cael eu gohirio am y tro, yn dilyn gwrthwynebiad sydd wedi gweld mwy nag 20,000 o bobol yn llofnodi deiseb.

Mae ymgyrchwyr yn galw am warchod – neu gofrestru – yr adeiladau, ac mae Cadw am gwblhau’r gwaith paratoadol gyda’r gobaith o gyflawni hynny.

Mae cynlluniau ar y gweill bellach i adnewyddu’r ardal.

Gorymdaith

Bydd gorymdeithwyr yn cyfarfod ar Stryd Womanby y brifddinas am 2 o’r gloch.

Cyn y cyhoeddiad, roedden ni’n gofidio y byddai staff y busnesau yn colli eu swyddi.

Maen nhw’n dweud eu bod yn tynnu sylw at ba mor “unigryw” yw diwylliant a chymeriad y brifddinas, a bod yr adeildau’n “fwy na brics”.

Ar ddiwedd yr orymdaith, fe fydd cyngerdd gyda rhai o fawrion y sîn gerddoriaeth Gymraeg, gan gynnwys Gruff Rhys a Gwenno.

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed