Symud 6,000 o gleifion meddygfa Llandysul i feddygfeydd eraill

Diweddarwyd am  

Llun: CCO

Mae pob un o’r 6,000 o gleifion a oedd yn gofrestredig gyda Meddygfa Teifi yn Llandysul wedi cael lleoedd mewn meddygfeydd cyfagos, yn ôl Bwrdd Iechyd Hywel Dda.

Fis Hydref y llynedd, fe gyhoeddodd y bwrdd iechyd y byddai gwasanaethau’r feddygfa ar gyfer cleifion yn dod i ben ar ddiwedd mis Ionawr 2019, a hynny yn sgil methiant i benodi meddyg newydd.

Ond erbyn hyn, maen nhw wedi ysgrifennu at bob un claf yn unigol gyda manylion eu meddygfa newydd.

Mewn datganiad, dywed y bwrdd iechyd y gall cleifion barhau i ddefnyddio gwasanaethau Meddygfa Teifi tan Ionawr 31, cyn y bydd eu gofal yn cael ei drosglwyddo i’w meddygfa newydd ar Chwefror 1.

Bydd staff cymunedol yn parhau i ddefnyddio Meddygfa Teifi fel canolfan, medden nhw, tra bo’r Ganolfan y Tu Allan i Oriau yn aros ym Meddygfa Llyn-y-frân, sydd hefyd yn Llandysul.

“Parhau i weithio”

“Mae pob claf wedi’i ddyrannu i feddyg teulu yn seiliedig ar eu cyfeiriad cartref a ffiniau meddygfeydd,” meddai llefarydd ar ran Bwrdd Iechyd Hywel Dda.

“Rydym yn parhau i weithio gyda’r meddygfeydd dan sylw i sicrhau bod y newid hwn yn digwydd mor esmwyth â phosib. Efallai y bydd rhywfaint bach o amharu pan gaiff cofnodion cleifion eu trosglwyddo.

“Hoffem ddiolch i’r holl feddygfeydd am eu cydweithrediad yn ystod y cyfnod pontio hwn sy’n golygu medru parhau i gynnig Gwasanaethau Meddygol Cyffredinol mewn ffordd gynaliadwy yn yr ardal.”

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer