Y gwaith o glirio tirlithriad Cwmduad yn parhau

Diweddarwyd  

Llun: CC0

Mae Cyngor Sir Gaerfyrddin yn dal i geisio sefydlogi’r tirlithriad a fu yng Nghwmduad, Sir Gaerfyrddin, ym mis Hydref y llynedd.

Mae rhan o’r A484 rhwng Caerfyrddin a Chastellnewydd Emlyn wedi bod ynghau ers y digwyddiad adeg Storm Callum ar Hydref 13, pan gafodd Corey Thomas Sharpling, 21, ei ladd.

Yn ôl Cyngor Sir Gaerfyrddin, fe ddechreuodd y gwaith clirio cyn y Nadolig pan gafodd parth diogel ei greu er mwyn cyrraedd lori a ysgubwyd i’r afon.

Cafodd y lori ei symud yn dilyn ymdrechion ddoe (dydd Llun, Ionawr 14), a’r cam nesaf fydd sefydlogi’r bancyn gerllaw, sy’n golygu gwaith geodechnegol a draenio cymhleth, meddai’r cyngor sir ymhellach.

Does dim cadarnhad ynglŷn â phryd mae’r cyngor yn bwriadu ailagor y ffordd, ac maen nhw’n ychwanegu y bydd angen cynnal asesiad arni cyn bod modd rhoi unrhyw amcan.

“Gweithio mor gyflym â phosib”

“Rydym ni bellach yn gwneud cynnydd o ran gwaith a phroses gyfreithiol hynod gymhleth rhwng y Cyngor, asiantaethau partner a’r tirfeddiannwr,” meddai Ruth Mullen, Cyfarwyddwr yr Amgylchedd Cyngor Sir Gaerfyrddin.

“Rydym ni’n llwyr ymwybodol o effaith hyn ar y gymuned, ac rydym ni am atgyfnerthu’r ffaith i ni fynd ati’n syth ar ôl y tirlithriad i gynnal archwiliadau safle ac i wneud gwaith clirio ac adeiladu, er mwyn gofalu bod yr ardal yn ddiogel.

“Rydym ni’n gweithio mor gyflym â phosib er mwyn ailagor yr heol mor gyflym â phosib, a hoffem ddiolch i’r bobl mae hyn wedi effeithio arnyn nhw am eu hamynedd.”

Cefn Gwlad

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed