Disgyblion lleol yn creu murlun o dref Llanbedr Pont Steffan

Diweddarwyd  
Murlun Llanbedr Pont Steffan

Murlun Llanbedr Pont Steffan

Llun Golwg360 / Endaf Griffiths

Mae disgyblion ysgolion cynradd yn ardal Llanbedr Pont Steffan wedi bod yn creu murlun arbennig dros gyfnod o ddau ddiwrnod a fydd yn cael ei arddangos ar fur un o fusnesau’r dref.

Mae plant o Ysgol Carreg Hirfaen, Ysgol Dyffryn Cledlyn, Ysgol Bro Pedr ac Ysgol y Dderi wedi bod yn brysur yn cydweithio â’r artist Rhiannon Roberts o Rhiannon Art i greu’r darn o gelf trawiadol, sy’n cynnwys darluniau o adeiladau mwyaf eiconig Llanbedr Pont Steffan.

Ar ôl cwblhau’r murlun wedyn, fe fyddai’n cael ei arddangos ar fur siop W D Lewis ar Stryd y Bont fel bod modd i deithwyr sy’n dod o gyfeiriad Sir Gaerfyrddin ei weld.

Mae’r prosiect yn cael ei arwain gan Bwyllgor Gŵyl Dewi y dref, ac wedi’i gefnogi gan rai sefydliadau a busnesau lleol.

Yn ôl Maer Llanbedr Pont Steffan, Ann Bowen Morgan, bydd y cyfan wedi’i gwblhau ar gyfer yr Orymdaith Gŵyl Dewi ar Fawrth 4.

“Mae gyda ni bwyllgor yn Llanbed sy’n trio gwella pethau yn y dref o ran golwg ac yn y blaen, ac roeddwn i’n meddwl y byddai’n neis creu rhywbeth lliwgar ar y ffordd i fewn i’r dre,” meddai.

“Hefyd, mae’n rhoi cyfle i blant lleol weithio gydag artist. Mae tua deugain o blant wedi gweithio yn ystod y ddau ddiwrnod diwethaf.”

Addysg

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl