Llwyddiant i ddau Gymro yn noson wobrwyo’r Critics’ Choice

Diweddarwyd  
Matthew Rhys yn y gyfres The Americans

Matthew Rhys yn y gyfres The Americans

Roedd dau Gymro ymhlith yr actorion a gafodd lwyddiant mewn seremoni wobrwyo y Critics’ Choice yn Santa Monica dros nos.

Mae’r gwobrau yn anrhydeddu ffilmiau a rhaglenni teledu gorau’r flwyddyn.

Yr actor o Hwlffordd, Christian Bale, oedd un o brif enillwyr y noson, wedi iddo gipio gwobrau am yr actor gorau a’r actor gorau mewn comedi am ei ran yn portreadu cyn-Ddirprwy Arlywydd yr Unol Daleithiau, Dick Cheney, yn Vice.

Cymro arall a gafodd ei wobrwyo oedd Matthew Rhys, a dderbyniodd wobr yr actor gorau mewn cyfres ddrama. Mae’r actor o Gaerdydd yn chwarae rhan ysbïwr yn The Americans, rôl a sicrhaodd wobr Emmy iddo rai misoedd yn ôl.

Gwobrau eraill

Ymhlith actorion eraill o wledydd Prydain a gafodd noson i’w chofio oedd Olivia Colman, a enillodd wobr yr actores orau mewn comedi am ei rhan yn portreadu’r Frenhines Anne yn The Favourite.

Ond methodd â chipio gwobr fawr yr actores orau, a aeth i Glenn Close (The Wife) a Lady Gaga (A Star is Born).

Yn y cyfamser, cafodd Claire Foy ei hanrhydeddu â’r wobr ‘See Her’ am ei chyfraniad i ferched mewn ffilm.

Roedd yr actores o Stockport ger Manceinion hefyd wedi’i henwebu ar gyfer gwobr yr actores gynorthwyol orau am ei rhan yn y ffilm, First Man, ond fe aeth y wobr honno i Regina King (If Beale Street Could Talk).

Thandie Newton (Westworld) a dderbyniodd wobr yr actores gynorthwyol orau mewn drama, tra bo Ben Whishaw (A Very English Scandal) wedi cipio gwobr yr actor cynorthwyol gorau mewn cyfres neu ffilm a gafodd ei chreu ar gyfer y teledu.

Cafodd drama’r BBC, Killing Eve, ei chydnabod hefyd, gyda Sandra Oh yn derbyn gwobr yr actores orau mewn cyfres ddrama.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed