Otis Bolamu: siop Oxfam Abertawe “wrth ei bodd”

Diweddarwyd am  
Otis Bolamu

Otis Bolamu yn siop Oxfam yn Abertawe

Llun oddi ar dudalen Facebook siop Oxfam Abertawe

Does dim achos i ddathlu’r ffaith eto fod ffoadur o’r Congo yn ei ôl yn Abertawe, yn ôl siop elusen Oxfam y ddinas.

Mae Otis Bolamu wedi cael dychwelyd am y tro, wrth i’w gais am loches gael ei ystyried.

Ond mae’r frwydr ymhell o fod wedi’i hennill, meddai llefarydd ar ran y siop lle mae’n gweithio.

Cefndir

Roedd yn wynebu’r posibilrwydd o gael ei anfon yn ei ôl i’r Congo ar Ddydd Nadolig wedi diolch i gymuned Abertawe am eu cefnogaeth.

Cafodd Otis Bolamu ei arestio yn ei wely am 4 o’r gloch y bore ar Ragfyr 19, a’i gludo i ganolfan gadw yn Lloegr.

Roedd disgwyl y byddai’n gorfod dychwelyd i’w famwlad, ond mae wedi cael gwybod erbyn hyn y caiff aros am y tro, ac mae wedi dychwelyd i’r ddinas.

Roedd deiseb yn galw ar Sajid Javid, Ysgrifennydd Cartref San Steffan, i ymyrryd wedi denu dros 12,000 o lofnodion.

Fe fydd ei achos nawr yn cael ei ystyried unwaith eto.

‘Byw mewn gobaith’

“Rydym wrth ein boddau, ond yn sylweddoli nad yw’n dychwelyd gyda statws ffoadur ond yn hytrach, yn glir yn ein meddyliau fod y frwydr yn parhau,” meddai llefarydd ar ran y siop wrth golwg360.

“Dim ond ar ôl iddo gael y statws hwnnw y byddwn ni’n cael parti.”

Mae’n dweud nad oes sicrwydd ar hyn o bryd faint o amser y bydd yn ei gymryd i glywed ei achos o’r newydd, ond ei fod yn “obeithiol”.

“Rydyn ni wedi cael pobol yma sydd wedi aros hyd at chwech neu saith mlynedd, ac eraill wedi gorfod aros ychydig fisoedd yn unig. Does dim dal.

“Rydym yn obeithiol y bydd digon o dystiolaeth gan y gymuned leol er mwyn cefnogi ei gais y tro hwn.”

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl