Cymru yn herio Seland Newydd… tros deitl ‘Stryd Sertha’r Byd’

 

Mae tref Harlech yn rhoi herio un o atyniadau mwyaf dinas Dunedin yn Seland Newydd, am deitl ‘Stryd Sertha’r Byd’.

Gyda graddiant brawychus o 1:3, Stryd Baldwin yn Dunedin yw un o’i atyniadau mwyaf, ac mae ei henw yn llyfr enwog y Guinness World Records.

Ond rŵan, o dan arweiniad Myrddin Phillips, mae trigolion Harlech yn herio Dunedin.

Maen nhw’n honni bod Ffordd Pen Llech yn y dref un radd yn fwy serth na Stryd Baldwin, gyda graddiant o 36% o gymharu â 35%.

Mae Myrddin Philips wedi arolygu mesuriadau cannoedd o fryniau a mynyddoedd – a bydd ei waith mesur yn cael ei ddadansoddi gan fathemategwr cyn cael ei gyflwyno i’r Guinness World Records.

“Rydym ni’n hyderus y bydd y stryd yn fwy serth na chofnod presennol record y byd, ond dim ond y data sy’n mynd i ddangos os yw yn wir,” meddai Myrddin Phillips.

Cystadleuaeth

Tydi trigolion Dunedin ddim yn barod i weld eu hatyniad gwerthfawr yn cael ei ddisodli, gyda rhai yn cynnig rhoi wyneb newydd ar dop y stryd i rwystro’r her o Harlech.

Yn sgil yr holl sylw i Stryd Baldwin, mae’r cyngor lleol wedi gorfod uwchraddio’r ardal i’w deilwra i ymdopi gyda’r miloedd o ymwelwyr sy’n heidio yno bob blwyddyn.

Mae llefydd bwyta, yfed a siopau wedi eu hadeiladau o’i gwmpas.

Mae maer Dunedin, Dave Cull, yn dweud fod y stryd wedi wynebu heriau o’r blaen.

“Os yw’n troi allan fod gan Gymru stryd sy’n fwy serth, bydd rhaid i ni drefnu un o’n daeargrynfeydd cyfnodol a thiltio Stryd Baldwin ychydig yn fyw,” meddai’n chwareus.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed