Llywodraeth yn gwario llai ar ganiatau i bobol ifanc deithio yn rhatach

Diweddarwyd am  

Llun: CC0

Mae cynllun sy’n gostwng y gost o deithio ar fws i bobol ifanc 16-18 oed, wedi costio llawer llai i Llywodraeth Cymru ers Ebrill 2017.

Yn ôl yr Archwilydd Cyffredinol, sydd wedi craffu ar gynllun Fy Ngherdyn Teithio, mae’n “codi cwestiynau amlwg” ynghylch gwerth am arian cyllid y cynllun.

Cafodd £14.74m ei wario yn ystod cyfnod peilot cychwynnol y cynllun rhwng Medi 2015 i Fawrth 2017. Yn y cyfnod o Ebrill 2017 i fis Mawrth 2019 fodd bynnag, dim ond £2.9m sydd wedi cael ei wario.

Mae’r costau ers dechau’r cyfnod o Ebrill 2017 yn adlewyrchu bod yr iawndal sy’n cael ei roi i weithredwyr bysiau, ers hynny, yn seiliedig ar werthiannau tocynnau rhatach, yn ôl yr Archwilydd Cyffredinol.

Yn y cyfnod hwnnw – oherwydd nad oedd system cofnodi nifer y teithiau wedi cael ei gofnodi – cafodd gweddill y gyllideb a gytunwyd arno ei rannu ar sail fformiwla yn hytrach.

“Amcangyfrifon gwael”

Ar ddechrau’r cynllun roedd Llywodraeth Cymru wedi tybio byddai 80% o bobol ifanc 16-18 (tua 90,000) oed yn manteisio ar y cardiau teithio ac yn eu defnyddio ddwywaith yr wythnos ar gyfartaledd.

Er hynny, dim ond 10% o’r bobol ifanc cymwys oedd wedi gwneud cais am gardiau teithio erbyn mis Mawrth 2017 – diwedd y cyfnod prawf cyntaf.

Ers canol mis Awst 2018, mae 14,939 o gardiau teithio yn weithredol o’r cyfanswm o 20,953 oedd wedi cael eu rhoi allan.

Amcangyfrifwyd y bu 1,343,659 o deithiau rhatach yn 2017-18.

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019