Coleg am greu peiriant i ddweud be’ sy’n gwneud pobol yn atyniadol

Diweddarwyd  

Llun: CC0

Mae ymchwilwyr ym Mhrifysgol Abertawe eisiau creu peiriant fydd yn gallu dyfalu beth sy’n gwneud person yn atyniadol i bobol arall.

Yn ôl ymchwil sy’n bodoli’n barod, mae ffactorau fel hiwmor, cryfder, deallusrwydd a chreadigrwydd yn chwarae rhan ganolog.

Ond mae Andrew Thomas a Alex Jones o’r coleg yn Abertawe yn honni bod y rhain yn aml yn cael eu hystyried ar eu pennau eu hunain, ac yn cyfyngu ar y posibiliadau.

O ganlyniad, mae’r darlithwyr, sy’n gweithio yn adrannau Seicoleg a Niwrowyddoniaeth yn y brifysgol, eisiau mynd gam ymhellach.

Targed y prosiect

Maen nhw’n rhagdybio – pan fydd mwy nag un o’r ffactorau yn y mics – y bydd rhai yn bwysicach na’r lleill.

Maen nhw’n awyddus i brofi hyn drwy fesur nodweddion gwirfoddolwyr cyn cyfrifo pa nodweddion sy’n darogan eu hanes rhywiol, neu pa mor atyniadol maen nhw’n eu gweld eu hunain.

Y nodweddion hyn fyddai creadigrwydd, hiwmor, deallusrwydd, caredigrwydd, personoliaeth, ysgogiad, statws cymdeithasol, llais, lefel testosteron, cymesuredd y wyneb, cryfder, braster cord, uchder a chymhareb y wast i’r glun.

Maen nhw’n gwahodd pobol i ddysgu mwy am y prosiect, ac i ystyried cyfrannu arian.

Addysg

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl