‘Amser mynd adref’: heddlu yn apelio ar i dafarnwyr ac yfwyr fihafio

Diweddarwyd  

Llun CC0

Mae Heddlu’r Gogledd yn gofyn i’r cyhoedd a pherchnogion clybiau a thafarndai am eu cydweithrediad cyn dathliadau Nos Galan.

Cafodd syniad ‘Amser mynd adref’ #amsermyndadref ei lansio yn y Rhyl dros yr haf a’r bwriad yw rhoi terfyn ar drais ac ymddygiad gwrthgymdeithasol sy’n gysylltiedig ag alcohol.

Mae’n ategu’r safiad na fydd pobl feddw yn cael prynu diodydd mewn tafarndai a chlybiau drwy’r sir.

Ar y dydd Gwener cyn Dydd Nadolig cafwyd nifer o arestiadau am anrhefn oedd yn gysylltiedig ag alcohol yn arbennig yng ngogledd sir Ddinbych, gyda nifer o swyddogion yn cael eu hanafu a dau dafarn yn gorfod cau eu drysau’n fuan.

Mae swyddogion yn datgan yn glir na fyddan nhw’n goddef ailadroddiad o’r math yma o ymddwyn a gall pobl ddisgwyl gweld ymateb cadarn i unrhyw broblem tebyg fydd yn codi.

Meddai Prif Arolygydd Sir Ddinbych, Andrew Williams: “Y rheswm am ein ymateb yw i feithrin amgylchedd lle mae trigolion ac ymwelwyr yn gallu mwynhau eu hunain heb ofni bod yn ddioddefwyr trais neu droseddau treisgar, neu fod yn dystion i hyn. Dyma beth mae’r rhan fwyaf o bobl eisiau ac nid wyf yn credu ei fod yn ormod i ofyn.”

“Nid rhwystro pobl rhag mwynhau eu hunain yw’r bwriad; i’r gwrthwyneb. Nid wyf eisiau unrhyw un cael eu hanafu, boed hynny yn ystod y noson neu wedyn yn y cartref oherwydd yn llawer rhy aml dyma sy’n digwydd pan fo alcohol yn cael ei yfed yn ormodol.”

“Yn y Rhyl yn arbennig mae yna deimlad byw o optimistiaeth yn datblygu sy’n afieithus ac yn ymledu. Nid ydym am adael i hyn gael ei chwalu gan rai sy’n meddwl eu bod nhw yn gallu tanseilio hyn drwy ymddwyn yn wrthgymdeithasol.”

“Mae’n erbyn y gyfraith i staff tafarndai werthu alcohol i bobl sydd wedi meddwi yn barod. Does yna ddim dadl am hyn, mae’n hawdd iawn yn y bôn, felly ni ddylai pobl ddisgwyl gael prynu alcohol os ydynt wedi yfed yn ormodol yn barod. Gobeithio fydd pobl yn cymryd sylw o hyn ac yn mwynhau dechrau gwych i 2019.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones