Jeremy Vine dan y lach am ei ymateb wedi ffrae ieithyddol

Diweddarwyd  

Jeremy Vine

Llun cyhoeddusrwydd

Mae’r cyflwynydd radio Jeremy Vine wedi cael ei feirniadu am ei ymateb yn dilyn ei raglen ar BBC Radio 2 oedd yn rhoi llwyfan i bobol oedd yn “casáu’r iaith Gymraeg”.

Dechreuodd y drafodaeth ar ôl i Fanc Lloyds wrthod derbyn siec Gymraeg wedi’i hysgrifennu gan Gyngor Tref Aberteifi.

Ar y rhaglen, holodd Vine wrandawr o Bontypridd a ddywedodd fod siaradwyr Cymraeg “yn meddwl eu bod yn well nag unrhyw un arall.”

Dywedodd y dyn: “Os ewch chi i unrhyw dafarn yng ngorllewin Cymru . . . yng ngogledd Cymru, mae nhw i gyd yna yn siarad Saesneg, ond cyn gynted ag y maen nhw yn dod mewn a chlywed fy acen i – mae nhw yn dechrau newid i’r Gymraeg, fel na allwn ni eu deall nhw.

“Dw i’n ei chasáu, dw i jyst yn casáu’r iaith.”

Fe wnaeth dau o wrandawyr eraill, un o Gaernarfon ac un arall o Gaerdydd, ymateb i roi sialens i’w sylwadau.

Beirniadaeth

Cafodd y rhaglen ei beirniadu gan ddwsinau o bobl oedd yn honni fod y sylwadau gwrth-Gymreig yn “nonsens”.

Dywedodd un, William Jones, ar ei gyfrif Trydar: “Fe gerddais i mewn i dafarn ym Mharis yr wythnos cyn y Nadolig… pwy fasa’n meddwl, Ffrancwyr yn siarad Ffrangeg yn Ffrainc.” Fe ymatebodd Jeremy Vine gan ofyn, “Ydi Ffrainc yn y Deyrnas Gyfunol”.

Mae ei drydariad nawr wedi ei ddileu.

Mae golwg360 wedi gofyn i’r BBC ac i Jeremy Vine am ymateb.

Dywedodd llefarydd ar ran y BBC y bydde’n rhaid siarad gyda Vine ei hun gan mai cyfrif personol yw ei drydaru.

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019