Brexit ‘yn costio’n ddrud i’r gyllideb Amddiffyn’

Diweddarwyd  
Llun pen ac ysgwydd o Guto Bebb

Guto Bebb

LLun: Portead swyddogol CCA 3.0

Mae un o gyn-weinidogion y Weinyddiaeth Amddiffyn yn rhybuddio bod y cwymp yng ngwerth y bunt yn cael effaith “trychinebus” ar gyllid yr Adran.

Yn ôl Guto Bebb, Aelod Seneddol Aberconwy, mae’r cwymp yng ngwerth y bunt wedi costio mwy na £1.7 biliwn i’r lluoedd arfog dros y ddwy flynedd ddiwethaf.

Mae’n rhybuddio hefyd na fydd cytundeb Brexit Theresa May yn gwneud dim i wella’r sefyllfa.

Roedd Guto Bebb yn ymateb i ymchwil a wnaed gan ymgyrch Pleidlais y Bobl, sy’n galw am ail refferendwm ar Brexit.

“Wnaeth neb bleidleisio dros dan-gyllido ein lluoedd arfog, ond dyna’n union sydd wedi digwydd,” meddai.

“Ar adeg o densiwn cynyddol yn fyd-eang, mae’n drychinebus fod y Weinyddiaeth Amddiffyn yn gorfod talu biliynau’n fwy am ei hoffer oherwydd Brexit.
“Fydd cytundeb y Prif Weinidog yn gwneud dim i adfer hyder yn y bunt, ac os caiff ei basio, mi fyddwn ni’n gor-dalu am flynyddoedd i ddod.

“Yr unig ffordd allan o’r llanast yma ydi cymryd y penderfyniad allan o ddwylo gwleidyddion yn San Steffan a’i roi’n ôl i’r bobl.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019