Dathlu’r Nadolig mewn quinchos mae’r Archentwyr

Diweddarwyd am  

Cig ar yr asado

Mae’r Archentwyr yn dathlu’r Nadolig gyda’r nos, ac o bryd i’w gilydd mewn “cegin yn y garej”, yn ôl dyn o’r wlad sydd bellach yn byw yng Nghymru.

Mae Isaías ‘Eseia’ Grandis yn hanu o Cordoba, yng nghanolbarth yr Ariannin, ond mae wedi treulio’r flwyddyn ddiwethaf yn byw yng Nghymru.

Gan fod yr Ariannin yn hemisffêr y de mae’r wlad yn dathlu’r Nadolig yn ystod yr haf, ac yn ôl Eseia Grandis mae’r dathliad yn dra gwahanol yno.

Mae’n dweud bod y tywydd “fel mis Mehefin yng Nghymru” ond yn “sychach,” a’u bod yn dathlu ar Noswyl Nadolig.

Ac “ambell waith”, meddai,  maen nhw’n dathlu yn y “quincho”.

“Adeilad yn yr ardd yw’r quincho,” meddai wrth golwg360. “Cegin ar wahân i’r tŷ. Rhyw gegin yn y garej bron a bod.

“Mae lle tân mawr yna, ac yn y lle tân yna rydan ni’n gwneud asado; hynny yw, cig wedi rhostio ar ryw fath o ridyll efo tân agored.

“Ac fel arfer ar gyfer y Nadolig, achos ei fod yn haf, ym Mhatagonia rydym ni’n cael oen. Oen cyfan.

“Ac maen nhw’n ei rostio ar ryw groes metel yn araf iawn, efo tân agored.”

Yng ngogledd yr Ariannin, neu’r canolbarth, mae pobol yn mynd allan i ddathlu achos ei fod mor boeth, meddai, gan aros allan tan 12.00 y nos.

Hefyd, mae’n dweud bod  tân gwyllt yn cael eu tanio, a bod diffoddwyr tân yn “canu seirenau” yn Nhrefelin, Patagonia, er mwyn “croesawu’r Nadolig”.  

Bwyd

Â’r tywydd yn boeth mae Eseia Grandis yn egluro bod y bwyd yn “fwy hafaidd” hefyd gyda phobol yn bwyta saladau, ham a phinafal, melon gyda ham, salad ffrwythau, ac yn yfed seidr.

Ac er bod rhan fwyaf o bobol yn mwynhau’r tywydd poeth, mae’n debyg ei fod yn medru peri trafferth.

“Druan a Siôn Corn, mae’n gorfod gwisgo fel y mae yn Ewrop,” meddai. “Mae’n boeth iawn, ac maen nhw’n gwisgo’r dillad yna – dillad gaeafol.

“Felly os weli di Siôn Corn yn Buenos Aires mi welwch chi ef yn chwysu chwarta druan a fo!”

https://soundcloud.com/golwg-360/eseia-grandis-yn-son-am-y?in=golwg-360/sets/nadolig-ledled-y-byd

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed