Degau’n gorfod aros y tu fas i wasanaeth Capel y Carcharorion

 
Llun o galeri'r capel gyda chanhwyllau'n goleuo rhwi wynebau yn y gynulleidfa

Y gwasanaeth golau cannwyll yn Hen Gapel Llwynrhydowen

Llun: golwg360

Fe ddaeth mwy na 300 o bobol i’r gwasanaeth Nadolig cynta’ ers degawdau mewn capel unigryw yn Nyffryn Teifi.

Roedd mwy na 100 o bobol wedi gorfod aros y tu allan i Gapel y Carcharorion yn Henllan wrth i’r gymuned leol gynnal gwasanaeth Noswyl Nadolig yno am y tro cynta’, dan arweiniad yr offeiriad, Parch Beth Davies.

Yn ôl un o’r gweinidogion a gymerodd ran, yr Undodwr, y Parch Wyn Thomas, roedd pob sedd yn llawn a phobol yn sefyll ym mhob bwlch rhwng pob sedd, gyda thyrfa hefyd ym methu â dod i mewn.

Mae’r capel ar safle hen wersyll carcharorion yn agos at lan afon Teifi rhwng Llandysul a Chastellnewydd Emlyn ac fe gafodd ei greu gan garcharorion Eidalaidd, gan ddefnyddio pa bynnag ddeunyddiau oedd wrth law.

Un o ddau wasanaeth hanesyddol

Roedd y gwasanaeth yn Henllan yn un o ddau wasanaeth hanesyddol yn Nyffryn Teifi gyda chynulleidfa fawr hefyd yn Hen Gapel Llwynrhydowen – gwasanaeth blynyddol yng ngolau cannwyll.

Roedd y capel yn ganolog yn hanes radicaliaeth yng Nghymru ar ôl i’r gynulleidfa gael ei throi oddi yno yn sgil y chwyldro gwleiddol a ddaeth gydag Etholiad Cyffredinol 1868 – 150 mlynedd yn ôl i’r mis Rhagfyr hwn.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019