Angen “dadl gref iawn, iawn, iawn” cyn cwtogi cyllid canolfannau trochi

Diweddarwyd am  

Llun: CC0

Mae cynghorydd tref o Wynedd wedi dweud ei fod yn “bryderus” am doriadau arfaethedig i ganolfannau iaith y sir.

Mae Cyngor Gwynedd wedi cynnig cwtogiad o £96,000 i gyllideb y canolfannau o fis Medi 2019, ac mae hynny eisoes wedi’i feirniadu gan ymgyrchwyr iaith.

Pwrpas y canolfannau yma yw cyflwyno plant mewnfudwyr – o gefndiroedd di-Gymraeg – i’r Gymraeg a’u paratoi ar gyfer addysg uwchradd/cynradd yn yr iaith.

Mae Simon Brooks, Cynghorydd ar Gyngor Tref Porthmadog – lle mae yna ganolfan drochi – yn credu mai’r canolfannau yw un o brosiectau “mwyaf llwyddiannus Gwynedd”  a bellach mae wedi rhannu ei ofidion yntau.

“Dw i’n derbyn bod Cyngor Gwynedd yn derbyn toriadau,” meddai wrth golwg360. “Mae’n rhaid i bawb yng Ngwynedd dderbyn hynny fel ffaith syml.

“Ond, wedi dweud hynny, helpu mewnfudwyr … a chynnal y Gymraeg yw egwyddorion [creiddiol] y Blaid yng Ngwynedd.

“Felly dw i’n meddwl bod angen i gabinet y Cyngor Sir gael dadl gref iawn, iawn, iawn ynglŷn â pham eu bod wedi penderfynu gwneud toriadau yn y maes yma yn hytrach na maes arall.

“Dw i’n gwybod eu bod nhw’n wynebu toriadau, ond wedi dweud hynny maen nhw’n dal gyda chyllideb o rhai cannoedd o filiynau o bunnau.”

Effaith y toriad

Mae Simon Brooks wedi gwneud cais brys i Gyngor Tref Porthmadog gynnal dadl tros gynlluniau’r Cyngor Sir, am bod yna ganolfan trochi disgyblion uwchradd yn yr iaith Gymraeg yn y dref.

Gan atseinio pryderon Cymdeithas yr Iaith, mae’n egluro y gallai llai o gyllid olygu bod yna lai o athrawon yn y canolfannau.

A byddai goblygiadau i hynny o ran nifer y newydd-ddyfodiaid sy’n dod yn rhugl yn y Gymraeg, meddai.

“Mae hynny’n codi’r gofid na fyddan nhw yn dychwelyd i’r ysgol gyda Chymraeg cystal,” meddai. “Ac os ydy hynny’n wir mae hynny’n arwain at nifer o bethau.

“Mi allai olygu nad yw plant yn codi Cymraeg yn iawn. Peth arall wrth gwrs yw ei fod yn cael yr effaith o Seisnigo plant eraill yn yr ysgol.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed