Jeremy Corbyn yn llongyfarch Mark Drakeford

Diweddarwyd am  

Jeremy Corbyn

Llun: llun commons wikimedia CC0

Mae Jeremy Corbyn, arweinydd y Blaid Lafur Brydeinig, wedi llongyfarch Mark Drakeford ar gael ei ethol yn arweinydd newydd y blaid yng Nghymru.

“Dw i’n gwybod bydd Mark yn brwydro yn ddi-baid tros fuddion pobol Cymru,” meddai.“Dw i’n edrych ymlaen at weithio gyda Mark wrth iddo adeiladu ar y seiliau mae [Carwyn Jones] wedi’i osod.

“Mi fydd yn darparu cynllun beiddgar tros swyddi a buddsoddi. A bydd yn cyflwyno cynigion blaengar ar gyfer economi modern, carbon isel.”

Mae Jeremy Corbyn hefyd wedi canmol yr ymgeiswyr aflwyddiannus, Eluned Morgan a Vaughan Gething, am “angerdd” eu hymgyrchoedd.

Y canlyniad

Enillodd Mark Drakeford 53.9% o bleidleisiau gan aelodau Llafur yng Nghymru, gyda Vaughan Gething yn dod yn ail â 41.4%.

Roedd disgwyl iddo ennill yn ystod rownd cyntaf y bleidlais, ond methodd ag ennill dros hanner y bleidlais yn ystod y rownd honno gan ennill 46.9%.

Enillodd Vaughan Gething 30.8% yn ystod y rownd gyntaf, gydag Eluned yn dod yn drydydd ag ond 22.3% – cafodd ei phleidleisiau hi eu trosglwyddo i’r ddau arall ar gyfer yr ail rownd.

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed