Datrys dirgelwch goleuadau traffig ‘anhysbys’ Sir Gâr

Diweddarwyd  

Goleuadau traffig Pencarreg

Llun; golwg360

Mae Cyngor Sir Gaerfyrddin wedi taflu golau tros ddirgelwch goleuadau traffig yng ngogledd y sir.

Yn ôl trigolion lleol, mi wyrodd lori oddi ar ffordd yr A485 rhwng Pencarreg a Llanbedr Pont Steffan dros flwyddyn yn ôl, gan blymio i fewn i gae yn yr ardal.

Yn fuan wedi hynny cafodd goleuadau eu gosod yno, medden nhw, a misoedd yn ddiweddarach maen nhw’n dal yno – heb sôn am unrhyw waith ffordd.

Roedd y Cyngor Sir Gâr wedi gwadu bod yna oleuadau yno, a hyd heddiw (Rhagfyr 6) does dim cofnod ohonyn nhw ar eu gwefan ‘gweithfeydd ffyrdd’.

Ond bellach mae’r Cyngor wedi cydnabod bod y goleuadau traffig yn bodoli ac wedi datgelu y bydd wal yn cael ei adeiladu yno yn y flwyddyn newydd.

“Cafwyd trafodaethau parhaus â’r tirfeddiannwr ynghylch y gwaith adfer,” meddai llefarydd ar ran Cyngor Sir Gaerfyrddin wrth golwg360.

“Mae mynediad bellach wedi’i sicrhau a bydd gwaith adeiladu wal gynnal caergawell newydd yn dechrau ar y safle yng nghanol mis Ionawr 2019.”

Cefn Gwlad

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed