“Bargen wael” yw Brexit Theresa May, yn ôl Aelod Seneddol Llafur

Diweddarwyd am  
Yr Aelod Seneddol yn gwenu

Christina Rees

Llun oddi ar wefan www.christinarees.org

Mae cytundeb Brexit Theresa May yn “fargen wael” i Gymru, yn ôl llefarydd yr wrthblaid ar faterion Cymreig.

Dywedodd Christina Rees fod y cytundeb, a gafodd ei gymeradwyo gan yr Undeb Ewropeaidd fis diwethaf, yn “methu â darparu i bobol Cymru y sicrwydd sydd ei angen i ddiogelu eu swyddi a’u bywoliaeth”.

Mae’r Aelod Seneddol tros Gastell-nedd hefyd wedi tynnu sylw at y ffaith nad yw’r term “masnach ddirwystr” yn ymddangos yn natganiad gwleidyddol Llywodraeth Prydain, cyn ychwanegu nad oes yn y cytundeb “gyfeiriad at Gymru” chwaith.

Mae Ysgrifennydd Gwladol Cymru, Alun Cairns, wedi amddiffyn ei benderfyniad i gefnogi’r cytundeb, gan ddweud ei fod yn “optimistaidd” am ddyfodol y tu allan i’r Undeb Ewropeaidd.

‘Dim sôn am Gymru’

“Mae’r Ysgrifennydd Gwladol [Alun Cairns] wedi rhoi ei gefnogaeth i gytundeb sydd ddim hyd yn oed yn cyfeirio at Gymru, heb sôn am amddiffyn hawliau gweithwyr, safonau amgylcheddol, diogelwch cwsmeriaid a safonau byw,” meddai Christina Rees yn ystod sesiwn o gwestiynau ar faterion Cymreig yn Nhŷ’r Cyffredin heddiw (Rhagfyr 5).

“Onid y gwirionedd yw mai bargen wael i Gymru yw hon sy’n methu â darparu i bobol Cymru y sicrwydd sydd ei angen i ddiogelu’u swyddi a’u bywoliaeth?”

Mewn ymateb, dadleuodd Alun Cairns fod cytundeb y Prif Weinidog yn “rhoi’r sicrwydd o fynediad at farchnadoedd yr Undeb Ewropeaidd a’r cyfleoedd i ffurfio cytundebau masnach ledled y byd”.

“Mae dadansoddiad y Llywodraeth yn dangos ein bod ni wedi sicrhau’r cytundeb gorau ar gyfer swyddi yng Nghymru a’r economi Gymreig, a fydd yn golygu ein bod ni’n parchu’r refferendwm ac yn ystyried y cyfleon newydd a fydd yn cael eu cynnig gan Brexit,” meddai.

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed