Mae Heulwen Hâf wedi marw

Diweddarwyd am  

Bu farw’r actores, y gantores a’r gyflwynwraig, Heulwen Hâf. Roedd hi’n 74 oed ac wedi brwydro’n hir a dewr yn erbyn canser.

Yn ferch i gigydd a’i wraig o Gorwen, bu’n torri gwallt pan oedd yn iau ac yn rhedeg ei salon ei hun yn y dref.

Aeth yn ei blaen i ddilyn gyrfa yn modelu, ac fe dreuliodd gyfnodau yn byw yn Lerpwl ac yn Llundain.

Cafodd hefyd yrfa fel cantores a bu’n canu ac yn recordio yn Gymraeg a Saesneg, cyn dod yn wyneb ac yn llais adnabyddus ar S4C.

“Person hyfryd, hwyliog ac egnïol”

“Mae colli Heulwen Hâf yn ergyd drom i bawb yma yn S4C sy’n ei chofio fel cyflwynydd a chyhoeddwraig afaelgar a deinamig a pherson hyfryd, hwyliog ac egnïol,” meddai Amanda Rees, Cyfarwyddwr Cynnwys S4C.

“Fe fydd ein gwylwyr yn ei hadnabod fel rhywun difyr a chynnes yn nyddiau cynnar, arloesol y sianel, a oedd yn gallu bachu eu sylw trwy ei phersonoliaeth liwgar.

“Yn hwyrach, dangosodd ei gonestrwydd rhyfeddol wrth ganiatáu i’r camerâu teledu ddilyn ei brwydr ddewr yn erbyn canser y fron yn y dogfennau ysgytwol ac ysbrydoledig Blodyn Haul a Bron yn Berffaith.”

Dim ond ychydig wythnosau sydd ers iddi ymddangos ar raglen Heno, yn rhoi ei chyfweliad olaf ac yn diolch am ei henw – ac yn gobeithio y byddai’r goleuni yn dal i befrio wedi iddi hi fynd.

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed