Carwyn Jones yn “gadael Cymru mewn gwell cyflwr”

Diweddarwyd  
Carwyn Jones o flaen meicroffon

Carwyn Jones

Llun: Lyn Dafis CC 2.0 trwy Commons Wikimedia

Wrth i’w gyfnod yn Brif Weinidog Cymru ddirwyn i ben, mae Carwyn Jones yn dweud bod y wlad “mewn gwell cyflwr” nag oedd hi pan olynodd ef Rhodri Morgan yn 2009.

Fe fyddai ei feirniaid yn wfftio hynny, gan ddweud bod safon addysg a’r Gwasanaeth Iechyd wedi gwaethygu.

Ond yn ôl Carwyn Jones mae Cymru wedi magu mwy o hyder yn ystod ei gyfnod wrth y llyw.

Wrth edrych yn ôl, mae’n tynnu sylw at refferendwm 2011 – pleidlais a alluogodd Cymru i ddeddfu mewn 20 o feysydd heb orfod gofyn am ganiatâd Llywodraeth San Steffan.

“Roeddwn yn falch o gyfnod 2011, oherwydd roeddwn i wedi bod yn y job ers blwyddyn a chwarter bryd hynny,” meddai. “Roeddwn yn falch i gael y refferendwm hynny mor sydyn.

“Ac wrth gwrs, wnaethon ni ennill mor rhwydd o gymharu â [refferendwm datganoli] 1997… roedd hwnna’n gam mawr ymlaen.

“Petasech wedi dweud wrtha i yn 1999 y byddwn i’n dod yn Brif Weinidog ac yn gadael y rôl gyda Senedd sy’n medru codi trethi, a hefyd yn gallu creu mesurau a deddfau, mi fyddwn i wedi synnu.

“Ond mae’n dangos pa mor bell rydym ni wedi dod.”

“Dangos ei bod yn bosib defnyddio’r Gymraeg”

Ag yntau’n Gymro Cymraeg a gafodd ei fagu tu allan i gadarnleoedd yr iaith, mae Carwyn Jones yn bwrw golwg yn ôl ar ei esblygiad ieithyddol gyda balchder.

“Dechreuais i yn y Cynulliad yn 1999 fel rhywun oedd yn hollol ddihyder yn Gymraeg,” meddai.

“Doeddwn i ddim wedi mynd i ysgol Gymraeg. Roeddwn i’n gyfarwydd gyda siarad Cymraeg yn y tŷ, ond roedd sefyll ar fy nhraed a thraddodi araith yn Gymraeg yn beth mawr i fi…

“Dw i’n gobeithio fy mod wedi rhoi cyfle i bobol feddwl ei fod yn bosib i rywun sy’n siarad yr un Cymraeg â fi, i siarad Cymraeg yn gyhoeddus heb newid y fath o Gymraeg maen nhw’n siarad.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer