Gwerthu 1,500 copi o lyfr y Welsh Whisperer mewn mis

Diweddarwyd  
Welsh Whisperer

Y Welsh Whisperer

Llun Recordiau Tarw Du

Mae’r Welsh Whisperer mewn “sioc” ar ôl clywed bod 1,500 copi o’i lyfr newydd wedi eu gwerthu mewn mis.

Yn ôl y cyhoeddwyr, Y Lolfa, mae Ffyrdd y Wlad wedi gwerthu mor dda fel eu bod nhw’n bwriadu ei ailargraffu ar drothwy’r Nadolig.

Dyma’r tro cyntaf i’r Welsh Whisperer gyhoeddi ei lyfr ei hun, yn dilyn ei boblogrwydd fel diddanwr a chanwr gwlad ar lwyfannau ledled Cymru.

Mae plant bach yn gwisgo fel y Welsh Whisperer ar gyfer carnifals ac mae ganddo eitem ‘Tafarn yr Wythnos’ ar raglen Heno ar S4C, ac mae wedi cyhoeddi sawl albym boblogaidd.

Llwyddiant

“Dw i’n falch achos mae’n rhywbeth y gall lot o bobol ei fwynhau, a lot o bobol ifanc hefyd,” meddai’r Welsh Whisperer wrth golwg360.

“Beth dw i wedi’i sylwi wrth fynd rownd yn arwyddo a phethe yw faint o ystod oedrannau sydd wedi dangos diddordeb yn y llyfr.

“Nid hunangofiant yw e, ond pytiau o straeon diddorol am lefydd dw i wedi bod ynddyn nhw, pobol dw i wedi’u cyfarfod a hanes rhai o’r caneuon.

“Mae’n ffordd dda o ddod i adnabod fi ychydig bach yn well.”

Llyfr Glas Nebo ar y brig

Er bod Ffyrdd y Wlad wedi gwerthu ymhell dros 1,500 o gopïau ers ei gyhoeddi ddiwedd mis Hydref, nid dyna’r llyfr sydd wedi cael y gwerthiant gorau eleni, yn ôl Y Lolfa.

Ers i’r awdures Manon Steffan Ros gipio’r Fedal Ryddiaith yn Eisteddfod Genedlaethol Caerdydd fis Awst, mae bron 5,000 copi o Llyfr Glas Nebo, gan gynnwys e-lyfrau, wedi’u gwerthu.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed