Postio profion heintiau rhyw am ddim i gleifion

 
Bwrdd Iechyd Hywel Dda

Bwrdd Iechyd Hywel Dda

Logo’r bwrdd iechyd

Mae pecynnau profi ar gyfer heintiau rhywiol yn cael eu postio am ddim i gleifion fel rhan o arbrawf gan fwrdd iechyd lleol.

Yn ddiweddar mae Bwrdd Iechyd Hywel Dda wedi bod yn cynnal y gwasanaeth peilot, lle mae modd i gleifion brofi eu hunain ar gyfer Clamydia a Gonorrhea.

Fe fydd y gwasanaeth yn cael ei dreialu a’i werthuso yng ngorllewin Cymru cyn cael ei gynnal ledled gweddill y wlad.

Dyma’r tro cyntaf i ddull hunan-brofi fod ar gael yn ganolog yng Nghymru ar gyfer clefydau sy’n cael eu trosglwyddo’n rhywiol.

Cyn hyn, dim ond trwy brynu’r profion yn breifat yr oedd modd i bobol brofi eu hunain.

“Prawf newydd”

“Fe fyddwn ni’n rhoi cynnig ar brawf newydd sy’n defnyddio swab ar gyfer pawb yn lle sampl iwrin,” meddai Zoe Couzens o Iechyd Cyhoeddus Cymru.

“Mae hyn yn gwneud postio citiau’n haws i bawb. Bydd 1,000 o gitiau prawf ar gael, wedyn bydd y gwasanaeth yn cael ei werthuso i sicrhau ei fod yn addas ar gyfer Cymru ac felly fe fyddwn ni eisiau i bobol ddweud wrthym ni beth maen nhw’n ei feddwl drwy lenwi arolwg ar-lein.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer