Adam Price yn cyhoeddi ‘maniffesto annibyniaeth’ yn ei lyfr newydd

 

Adam Price

Llun: Plaid Cymru

Mae arweinydd newydd Plaid Cymru yn cymharu ei gyfrol newydd o ysgrifau ac areithiau i faniffestio ar gyfer Cymru annibynnol.

Y Lolfa sy’n cyhoeddi Wales – The First and Final Colony gan Adam Price, lle mae’n trafod gwleidyddiaet, hanes a diwylliant Cymru. Mae hefyd yn trafod ei syniadau am ddyfodol llewyrchus  i’r genedl.

“Ges i fy magu yng nghysgod helyntion y glowyr yn 1984 – helyntion a newidiodd fy naliadau gwleidyddol hyd heddiw,” meddai Adam Price.

“Mae mynd o’r tŷ cyngor i’r Tŷ Cyffredin, ac o Harvard i Gaerdydd, yn llwybr anghyffredin, ac rydw i nawr yn wynebu her fwyaf fy ngyrfa wleidyddol – arwain y mudiad cenedlaethol.

“Ond mae fy neges i a neges Plaid Cymru i bobol Cymru yn un syml: ‘Gall Cymru’,” meddai wedyn.

“Fel y dyn agored hoyw cyntaf i arwain y blaid hon, ac unrhyw blaid arall yng Nghymru, rydw i’n arweinydd modern, cynhwysol ar gyfer Cymru fodern, gynhwysol.

“Rydw i’n hyderus y gallwn adeiladu dyfodol newydd ar gyfer Cymru newydd. Nid y Blaid Lafur fydd yn ysgrifennu’r bennod hon. Nac ychwaith ddeiliaid neuaddau marmor ysblennydd Whitehall a Westminster.

“Ond, yn hytrach, caiff ei hysgrifennu yn ein siopau a’n strydoedd, yn ein tafarndai a’n clybiau rygbi, yn ein cartrefi a’n calonnau ni fel cenedl.”

 

 

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed