Wynfford James: “Ffermwyr wedi rhuthro i gefnogi Brexit”

Diweddarwyd  

Cawl

Llun: CC0

Mae arbenigwr ar y diwydiant bwyd a diod yng Nghymru yn dweud ei fod wedi’i “synnu” gydag arweinwyr y diwydiant amaeth, ar ôl iddyn nhw “ruthro” i gefnogi cytundeb Brexit Theresa May.

Daw sylwadau Wynfford James yn dilyn ymweliad y Prif Weinidog â’r Ffair Aeaf yn Llanelwedd heddiw (Tachwedd 27), lle bu’n siarad â chynrychiolwyr o’r ddau ddiwydiant.

Yn ôl cyn-bennaeth Adran Fwyd Llywodraeth Cymru, mae NFU Cymru ac Undeb Amaethwyr Cymru wedi gwneud “annhegwch mawr” â’r diwydiant bwyd a diod drwy dderbyn y cytundeb Brexit yn ei ffurf bresennol.

Roedd angen “llawer mwy o graffu” arno, meddai, ac mae’n cyhuddo’r ddau undeb o ddiystyru opsiynau eraill sydd ar y bwrdd, gan gynnwys yr opsiwn o ‘Bleidlais y Bobol’.

“Rhaid cymryd cam yn ôl”

“Maen nhw’n sicr yn chwarae i mewn i ddwylo’r Prif Weinidog ar hyn o bryd,” meddai Wynfford James wrth golwg360.

“Dylen nhw fod yn cymryd cam yn ôl ac edrych yn ofalus cyn dod i unrhyw fath o gasgliad neu benderfyniadau.

“Nid dyma’r unig beth sydd ganddon ni ar y bwrdd. Mae’r drafodaeth ehangach yn cynnig nifer o opsiynau eraill, a dyna beth y dylen nhw fod yn eu hystyried os ydyn nhw’n wirioneddol am roi arweiniad cytbwys i’r diwydiant bwyd a diod ar hyn o bryd.”

“Andwyol”

Wrth roi ei farn ar y cytundeb ei hun, mae Wynfford James yn credu y bydd yn “andwyol” i’r diwydiant bwyd a diod.

“Yn syml, dyw’r cytundeb a’r hyn sy’n cael ei gynnig yn bell ffordd o’r cyfleon sydd gan y diwydiant ar hyn o bryd,” meddai wedyn.

“Fedrai ddim gweld bod yr hyn syn cael ei gynnig o safbwynt dyfodol masnachu ar gyfer y diwydiant yn mynd i fod yn fanteisiol.”

Bwyd

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed